Frie Leysen

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Hessels, es te dit dialek sjpriks.

---

Frie Leysen (2012)

Frie Leysen (Hasselt, 19 fibberwarie 1950) is 'ne Belzje festivaldirektuuer en curator.

Laevesloup

Frie Leysen is de dochter van Bert Leysen (1920-1959) enne twèllingzöster van d'n aktäör Johan Leysen. Ze studeerdje middelieëfse kónsgesjiechte ane KU Leuven.

Frie Leysen woort in 1980 de ieëste direktries van 't cultureel centrum De Singel in Antjwirpe. Ónger zien leijing woort 't 'n internasjenaal bekèndj kónscentrum mit 'n eigezinnig pergram. Ze beènjigdje zie direktriessjap in 1991.

In 1994 richdje ze, same mit Guido Minne, 't twieëspraokig Kunstenfestivaldesarts op in Brössel en goof dao-aan leijing toet in 2004. 't Festival grudje oet toet e wichtig evenement veur Belzje en internasjenaal kónsten en kónsbeübers.

In 2014 óntvóng ze d'n Erasmuspries.