Fez (hood)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'ne fez

De fez (Arabisch: فاس fās; Törks: fes) is 'ne viltjen hood dae wuuert gedrage door manskaerele; hae haet de vorm van 'ne platte kegel, meis is t'r roeadkluuerig en versierdj mit 'n zwarte kwas baovenop. Dezen hood kump veur in versjillige lenj en is aafkumstig oet 't aad Griekelandj, wonao d'r zich inne loup van ieëven tied haet oetgebrèdj, veural inne neugentieëndjen ieëf door 't Ottomaans Riek. Hae woort euvergenómme door väöl etnische en religieus groepe, wie de Grieke, de Arabiere, Berbers, Törke, Armeniërs, Levantienen en islamiete. Allewiel wuuert t'r aevel nimmieë zoea hieël väöl gedragen in 't daacheliks laeve.

De fez is verneump nao de gelieknamige stad in Marokko.

Ónger Mahmut II wore de luuj in 't Ottomaans Riek verplich de fez te drage, ouch veur luuj die neet islamitisch wore, wodoor d'n hood zich snel versprèdje van Naord-Afrika toet oppe Balkan. Wie 't Ottomaans Riek oetereinvool woort t'r in 1925 aevel in Törkieje verbaoje door Mustafa Kemal Atatürk, veure benj mit 't vergangene te verbraeke. Op 't drage vanne fez kwaam de doeadstraof te staon.

Trivia

• De Britse komiek Tommy Cooper droog bie zien optraejes ummer 'ne fez.