Fastfood

Van Wikipedia
Naar navigatie springen Jump to search

Dit artikel is gesjreve in 't Breuker. 't Weurt gewaardeerd óm in dit artikel 't Breuker aan te hauwe of aan te gaeve welk anger dialek gebroek is.


'n Typisch vuurbeeld va fastfood

Fastfood is d'r naam va aeëtesware die vlot gemak en geserveerd kinne waeëre en vuur wieënig geld verkoch waeëre. Dèks gaet 't daobie óm produkte die me thoes allein mer hooft aaf te bakke of op te werme, of woebie dat al gedaoën is op sjpeciaal verkaoppunte vuur 't sjtaoënd op te aeëte of te laote ipakke vuur 't örges angesj op te aeëte. Dit gebuurt dèks bie snackbars.

Ónger fastfood versjtaet me e groeët aantal versjeie produkte. In de westerse welt kint me es fastood vuural deepgevraore snacks zoewie friete, hamburgers en pizza meh aoch bruuëdjes mit gyros, kebab of shoarma en kant-en-klaor verpakde deepvreesmaoltiede. In Aziatische leng gieëft 't kräömkes op g'n sjtraot woeë me noedels, ries en sushi verkaopt die dao aoch es fastfood gezieën waeëre. I Nederland en Belsj zint frikandelle en krokètte bekinde snacks.

Nao d'r Ieësjte Weltkreeg begóste de ieësjte groeëte verkaopesj va fastfood aan hunne opmarsj. Sómmige van dees bedrieve zint oetgegruijd tot de groeëtste multinationals op de welt, zoewie McDonald's, Burger King, Pizza Hut en Kentucky Fried Chicken.

De fastfoodindustrie is 'n groeëte, winsgaeëvende industrie, die gruijt doerdat luuj ummer wieëniger tied numme vuur zelf te kaoëke. Fastfood is dèks óngerwerp va kritiek ómdat 't es óngezond gezieën waert, doerdat 't väöl vèt en wieënig vitamines en anger ónmisbaar sjtoffe haat. Vuural transvètte i fastfood zouwe sjlech zin vuur de gezóndheid. 't Regelmaotig aeëte va fastfood zou 'n belangrieke oerzaak zin va uëvergewich en hart- en vaatkrenkdes.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fastfood&oldid=356062"