Föglö

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Föglö in Finlandj.

Föglö is 'n arsjipel en gemèndje in Ålandj, Finlandj. De gemèndje haw 533 inweuners op 31 mieërt 2016 en 'n landjoppervlakdje van 134,73 km², van 'n totaal (inclusief water) 1.869,07 km². De bevoukingsdiekdje is 3,96 luuj de km². De plaatse die inne gemèndje ligke zeen: Björsboda, Bråttö, Brändö, Bänö, Degerby (de houfplaats), Finholma, Flisö, Granboda, Hastersboda, Horsholma, Hummersö, Jyddö, Järsö, Kallsö, Nötö, Prästgården, Sanda, Skogboda, Sommarö, Sonnboda, Stentorpa, Ulversö en Överö.

De sjaerekus bie Föglö.

Inne middelieëve gólj de houfplaats Degerby es 'n wichtige stopplaats veure sjeper die van Zwede nao Finlandj vore. Wie de sjeper grótter woorte, waas dezen tössestop nimmieë nuuedzakelik, wodoor ouch 't belank vanne plaats aafnoom. Allewiel is waal nag 'ne sjeepswerf dao; de meiste luuj zeen besjeftig inne vèsserie, de sjeepsvaart, de landjboew en 't toerisme.

De naam Föglö mèntj "vogeleilandj" en kump oet 1241. Veural oppe klein eilenj in 't zuudoeaste zeen veugel taalriek. 't Eilandj Björkör det ouch óngere gemèndje viltj is 'n aangeweze netuurgebied. In Degerby ligk nag e streekmuseum en me kan ouch de restantje van 'n aad krankenhoes veur melaatse vinje.

De gemèndje is einspraokig Zweeds. De gemèndjecode is 062.

Demografie[bewirk | brón bewèrke]

In 2016 woor de laeftiedsverdeiling van de bevouking es völg:

  • 0 toet 14: 12,1%
  • 15 toet 64: 57,2%
  • 65 en ajer: 30,7%

De spraokverdeiling woor in 2016 det 84,5% vanne bevouking 't Zweeds es ieëste spraok haw; 3,0% haw 't Fins es ieëste spraok en 12,5% haw 'n anger ieëste spraok.

Hie-ónger völg de demografische óntwikkeling vanaaf 1980.

1980 1985 1990 1995 2000 2005 2010 2015
608 605 606 602 595 596 580 554
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Föglö&oldid=436921"