Euverlèk gebroeker:Muumi

Commons User talk | English User talk | Nederlands overleg | Limburgs euverlik | Обсуждение на русском языке | Обговорення на українській мові

---

Hoj Muumi, wèlkóm op Wikipedia. Iech höb dat artikel euver de (!) Oekraïne expres euveral mèt 't lidwoord gesjreve. 't Is naomelik zoe tot "de stielbeukskes" veur de gezètte en 't journaol dao wel um vraoge, meh tot me in 't daogeliks leve veural "de Oekraïne" huurt. Bovedeen is dit de Limburgse Wikipedia, en bij 't sjrieve vaan 't Limburgs is de regel: sjrief wie 't in 't spraokgebruuk gebrukelik is. Daorum is 't beveurbild ouch: 't Belsj. HaafLimbo 21 jan 2006 22:38 (CET)

Dao geit 't dus um: In 't Hollands is dao al 'n ganse traditie mèt 'n sjrieftaol. Dao weure norme gestèld, dao weurt vasgelag wat wel en neet maog. Dao is 't daan ouch neet zoe gek tot me zoeget kint veursjrieve es "Oekraïne zoonder de". 't Limburgs weurt (nog) neet zoe dèks opgesjreve es 't Hollands, heet bekaans gein traditie, en wee Limburgs sjrijf, volg de regel tot heer 't zoe natuurlik meugelik opsjrijf. Okee, heer zal mesjiens zien bes doen veur gein Hollandse wäörd te gebruke, meh wijers volg heer gein norme wie iemes dat deit dee Nederlands aon 't sjrieve is. Plat sjrieve is al meujlik genoog, dus daan geiste gein aparte sjrieftaol creëre die op de ein af ander meneer vaan 't gesproke plat aofsteit. Vaandao 't princiep: me zeet "de Oekraïne, 't Belsj, de Congo" (en in Mestreech doen ze dat in eder geval) en dus sjrijf me dat ouch. HaafLimbo 21 jan 2006 23:03 (CET)

Ah, sjiek vaan diech totste 't trökveranders! Iech zal diech ins get zègke, iech hej dat zelf mèt eine klik op de moes gekind ;-). Noeste hei trouwes toch bis, veul diech vrij veur zelf ouch ins get te sjrieve. Este nog noets ieder Limburgs gesjreve höbs is dat gei probleem - eine kier moot toch d'n ierste zien. En 't kin rösteg in dien eige plat. HaafLimbo 21 jan 2006 23:13 (CET)

Sjriefwèdsjtried

Daag Muumi,

Ómdat 't noe e bitteke begint te loupe mit de Limburgse Wikipedia höbbe v'r besjlote 'ne sjriefwèdsjtried te hawwe. 't Is de bedoeling dat alle deilnummers e zoe good meugelik artikel sjrieve, zoedat v'r d'r 'ne gansen houp gooj artikele biekriege. Doe kans de veurwaarde hie vènje; op dees pazjena kans te dich ouch mitein aanmelle.

(Dit is e sjtandaardberich wat mie gebroekers kriege)
Steinbach (vreuger HaafLimbo) 15 feb 2007 23:50 (CET)