Euverlèk:Valkeberg aan de Geul

Iech höb vaanmiddag dees pazjena geleze. 't Is natuurlik fien tot eine noe is get bij te draoge heet dat detouw deit, meh de spèlling waor zoe gebrekkeg, tot iech d'n teks höb herspèld. Iech höb 'm neet nao mien eige dialek umgezat, meh allein 't Valkebergs vaan deze gebroeker op ze Veldekes hersjreve.

Op de site vaan Veldeke steit ouch 'n plaotsnaomelies. Die is officieel door de Limburgse euverheid goodgekäörd, dös liekent 't miech e good idee um in eder geval alle Limburgse plaotsnaome in die spelling te notere. Dat waor ouch 't veurnaomste wat iech hei höb gedoon. --HaafLimbo 17 jan 2005 17:23 (UTC)

Iech (es Valkebergse) höb 't nog wiejer aangepas volges de Veldeke-sjpelling. Cicero 17 feb 2005 13:46 (UTC)

Dialek

Iech bin neet gans gelökkeg mèt de formulering tot me in de ganse gemeinte Valkebergs praot, mèt allein mer accintversjèlle. Veur Sjin op Geul gelt dat alvas neet: dao höbbe ze d'r en dat is toch wel e structureel versjèl wat deper geit. Veur de res vaan de plaotse is 't wel woer, meh ouch aofhenkelek vaan perspectief: me zouw ouch kinne zègke tot dao versjèllende dialekte weure gesproke, die allein sterk opein liekene. Iech bedoel mer: 't zouw op iemes wat neet väöl vaan taol wèt verwarrend kinne wèrke. Me zouw kinne goon dinke tot Houtems, Bergs of Subbers 'neet besteit'. ⵙⵜⴰⵢⵏⴱⴰⵅ 25 nov 2011 11:45 (CET)

Vallekeberg

Iech vraog miech aaf, waorum dat euveral "Valkeberg" gesjreve ies, terwiel miene pap , dae nota bene aan de Vallekebergse dieksjonair haet mitgesjreve, zegk dat ut neet Valkeberg ies mer Vallekeberg... Hetzelfde ies aan de hand mit "Boete de Poart", sommige luuj, auch oet Vallekeberg, zègke "Boete de Poort".

Zuuch veur 't stök Vallekeberg de spellingspiekpagina. Euvere poart kin ich neet väöl zinnigs zègke, went ich bön neet van Valkeberg. --OosWesThoesBes (euverlègk) 15 jun 2013 20:57 (CEST)

In Valkeberg zègke ze ind. Vallekeberreg, meh in de sjpellingsreigelsj sjteit dat de sjwa waal gekald (ouch dèks in 't Nederlands!) meh neet oetgesjreve weurt (vgl. Allekmaar, kèrrek, mèllek, zörreg, fillem, zellef, Vallekeberreg were gesjpeld es: Alkmaar, kèrk, zörg, mèlk, film, zelf, Valkeberg. Euver Boete de Poart: Luuj in Valkeberg zègke Boete de Paort es se van Boete de Paort zint (Valkeberg waor 'n vestingsjtad) en ze zègke Boete de Poort es se van Binne de poort zint of van Sint-Pièter (zoa-es iechzelf). Boete de Poart ies hie zoawiezoa fout gesjpeld --Aelske (euverlègk) 16 jun 2013 22:22 (CEST)