Euverlèk:Toeanen in 't Limbörgs

Woarum sjteit in de titel 'n n achter toeane en in de teks toeane zónder n? Volges miech ies t mièvoud van toean toeane (n-deletie).--Aelske (euverlègk) 27 aug 2015 13:09 (CEST)

In 't Mofers wuuertj de "-n" döks behajen es die wuuertj gevolg door 'ne klinker, daodoor dus "Toeanen in 't Limbörgs", meh "De exakte oetspraok vanne toeane varieertj van dialek toet dialek." :) --OosWesThoesBes (euverlègk) 27 aug 2015 13:11 (CEST)

Dat ies 'n verbingings-n bie de oetsjpraok en die zou iech in 'nen titel neet gebruke! Ander oetsjpraoke zint: tjwanne (Meersje) toene (Mestreech), toeëne (oastelik), toane (Valkebergs) --Aelske (euverlègk) 25 fib 2016 11:31 (CET)

Ich haaj wo meugelik de spèlling aan die Bakkes in 't Mofers Waordebook haet gebroek en ouch hae sjrief dees verbinjings-n gewuuen oet. Ich dink ouch neet det 't 'n raeje guuef veur det neet te doon: die n wuuertj je oetgespraoke. --OosWesThoesBes (euverlègk) 25 fib 2016 11:36 (CET)

Neet allein in 't Mofers meh euveral weurt die n oetgesjproke in die gevalle en natuurlik weurt die n biegesjreve bie 't sjrieve in loupende tekste. 'ne Titel ies èvvel zelde in 't mièvoud. 't Ies gein loupende teks en veer passe bie losse weurd n-deletie toe. --Aelske (euverlègk) 26 fib 2016 10:54 (CET)--Aelske (euverlègk) 26 fib 2016 10:54 (CET)

Ich zeen nag ummer gein geljige raeje. Ich spraek ouch d'n titel oet es ['túɑ̯nənɪnəd̚'lɪ̀mbœ́ʁxs] en neet ['túɑ̯nəʔɪnəd̚'lɪ̀mbœ́ʁxs]. In dit geval geit 't nag ummer óm 'n waordgroep en neet losse wäörd (den zów namelik get wie "toeane Limbörgs" d'n titel mótte zeen). In dit geval sjrief Bakkes ouch de tössen-n veur; kiek mer in 't Mofers Waordebook op bldz. 13: "Bij de keuze voor tussen-n of niet heb ik gekozen voor 'de tussen-n wel'. [...] Hetzelfde gebeurt in woordgroepen als laezen en sjrieve." "laezen en sjrieve" is juus wie "toeanen in 't Limbörgs" 'n substantiefgroep en daoveur gelje dus bie bei dezelvendje regele. --OosWesThoesBes (euverlègk) 26 fib 2016 12:48 (CET)