Euverlèk:Sacrament

Van Wikipedia
Naar navigatie springen Naar zoeken springen

Woarum dees aanvölling[brón bewèrke]

Waorum waor de oetlèk van 't sacrament in 't Valkebergs, zoa wie 't 'r tot noe toe sjtóng, neet voldoende, en woarum moet 'r noe ouch nog zoan ingewiekelde etymologische verklaoring van weurd in 't Norbiks d'r veurgezat?. Wat ies de toegevoogde waerd? Iech dink neet dat de lezer dao op ziet te wachte! --Aelske 30 aug 2008 21:48 (CEST)

De etymologie in 't Norbiks is neet ingewikkeld mae redelek volledig en precies. Die in 't Valkebergs vón 'ch ech te beperkt, mae han 'ch waal laote sjtoeë oonder d'r subtitel In de Katholieke kèrk. Ich goon d'r vanoet dat "d'r laezer" van 'n encyclopedie good geïnformeerd wilt waeëre. Ich zal nog effe 'ne roeëje leenk make va vane-èèd. Da sjrief 'ch dao dis daag ooch nog get över. --Mergelsberg 31 aug 2008 00:02 (CEST)
Mèt dat ingewiekeld bedoel iech, dat 't eigelik neet nuèdig ies um alle weurd en deilweurd oet te lègke. Sóms ies dat waal relevant um dao-op in te goon, bv bie de weitesjappelike name van plante, dere, mediciene. Meh op dees meneer kèn iech bie álle artikele goon oetwieje euver de herkóms van weurd en deilweurd. Veer zint gein ETYMOLOGISCH woordebook! En...zoa vergeit diech ouch op d'n doer de zin um te sjrieve umdat, es me dan eindelik 'n redelik volledig artikel haet samesgesjtèld d'r dan wir van alles veurgesjreve weurt. En dat weurt dan gewoon euvergesjreve oet de Duutsje wikipedia! Veer hove (en wille!) oes dao neet aan conformere, meh me kèn en maog dao natuurlik waal gewoon goon kieke en leze, daoveur zint de Interwiki's. Bovendien, es se good leus, sjteit noe de hèlf döbbel. Iech zal 't truukdrièje en 't algemein begrip debove zètte.--Aelske 31 aug 2008 10:10 (CEST)
Sorry, in de flóttighèèd vergaeëte de bron te vermelde. Ich vin de etymologie zoewie d'r Duutsje wiki die gèft ech väöl dudeleker, transparanter en good in zien historisch verbaand gezat. Noe is die gaans nao de religie toegesjraeve terwiel 't dao oorsjpronkelek neet allèng mèt te make how. Mae good, 'ch maak get över èèd en vane-èèd want dat zeunt ooch hededaagse sacramaente mae dan in de algemèng betekenis van 't waoërd. (Sacramaent is zichtbare handeling die 'n oonzichtbare werkelekhèèd vertegenwoordigd.) D'r ME riddersjlaag bv of de meesterverheffing bie de vriemetselaers va allewiel velt dao trouwes ooch oonder. Ich vin dat 't Limburgse hoofdartikel waal ruimte zów mótte beje an al die verbande dör de vet gesjraeve definitie hiebaove te behaowe. En die maogste dae gerus in 't Valkebaergs översjrieve, want 'ch vin versjillende dialekte in èèn lemma ooch rómmelig aandoeë.--Mergelsberg 31 aug 2008 11:24 (CEST)
'n Sacramaent is nèèt èng van de 7 wiejinge es wie das-te sjreefs mae 't haat 7 wiejinge of sacramaente. Ich han noe 'n alg def d'r baove gezat want dat 'n sacremaent 'n wiejing is kan 'ch laestig 'n goo definitie vinge. Mieng definitie beejt boete d'r oetlègk van d'r term ooch ruimte an profaan handelinge die oorsjpronkelek ooch sacr. geneumd waoërte.--Mergelsberg 31 aug 2008 11:51 (CEST)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Sacrament&oldid=129104"