Euverlèk:Oêsj

Van Wikipedia
Naar navigatie springen Naar zoeken springen

De name zeunt gesjraeve in de Veldekesjpelling mae die sjpelling kènt 't ^ accent circumflex neet (dit teke vervèngt 'n s in bv fenêtre ipv fenestre of hôtel ipv hostel). Wie kan Oêsj en Groêselt da tóch dat teke ha in de officieel lies? Is dao 'n oetzoondering gemakd? En zoe jao, oeë sjtèèt ^ da vör? 'ne Glottissjlaag? Went dat zoe is da deenk 'ch dat es me d'r toeën neet sjrieft, me die glottissjlaag-notatie ooch achterwaeg kan laote en dan is de correcte sjpelling Oeësj.--Mergelsberg 12 sep 2008 16:20 (CEST)

Aelske, bedaankt vör de leenke op dien överlèk. ^ haat in 't Limb dus 'n ander funktie es wie in 't Fraans en keumt allèng vör óp de oê. Die oê is die van 't ned. boer en neet van 't ned voeren. Ned boer en Oêsj haant 'ne glottissjlaag, mae de funktie van dat teke wert neet oetgelach. Gèè èè diacritisch teke is trowwes besjraeve en dat zów waal mótte. De Ned taal gebroekt ze (bekaans allèng) in hun Fraans waeërd in lieënwaoërd. Mae de Limb sjpelling makt väöl gebroek van die tekes EN gèft dao 'n Limburgse (nuuj) waeërd aan en dus mótte se in de sjpelling ooch besjraeve werre en messjie zów 't gaar neet dóm zieë, of baeëter gezach, hoeëgnuëdèg zieë (öm dit saoërt verwarring te vörkaome) öm ooch 'ne platte naam te bedeenke vör die tekes. Dan is inins dudelek dat die tekes in 't plat aander klaanke vörme es in 't Fraans of 'n aander funktie haant. Ich goon dao get över make.--Mergelsberg 13 sep 2008 15:22 (CEST)

V'r kènne deenk 'ch vólsjtoeë mèt de opm. ""Lètters mèt diacritische tekes functionere es lètters die 'n ège klaankwaeërd representere. Vermits 't Limburg hieël riek is an klaanke is de óplóssing middels diacritische tekes te prefere baove kleenkercombinaties va driej lèttere, die 'n groeët naodelig gevólg haant vör de laesbaarheed." --Mergelsberg 13 sep 2008 16:53 (CEST)

Kwestie van wènne. Me moet trouwens sjpellinge, zoawie mèt o.a. 't Frans en zien diacritische teikes, neet vergelieke mèt de Limburgse sjpelling. Dat ies gein good oetgangspunt. En woarum zou de sjpelling veranderd moete were? Dao ies wat dat betref jaorelank werk verzat en sjpelling ies gewoon: 'n aafsjpraok, ouch al ies me 't daomèt neet eins.--Aelske 14 sep 2008 21:58 (CEST)
Wat Oêsj en Groêsjelt betref, mein iech miech te herinnere, dat die accent circumflex 'n oetzóndering ies op de sjpelling vanwege jaorelang traditie in 't sjrieve. Zoa ies de oa in Kèrkrao (ao mèt naosjlaag) ouch 'n oetzóndering, es se die vergelieks mèt de oa (twièklank) in Valkeberg, Gelaen en Ech (bv) ies die van Kèrkrao eigelik ouch neet correct. --Aelske 14 sep 2008 22:25 (CEST)
Kwestie van wenne? Vör mieëtalige gaeve de diacritische tekes in 't Plat oonnuëdige probleme es me de opmerking va mich hiebaove neet d'r bie zèt. Vör wae de funktie van die tekes, die in 't Limburgs waal 't zelfde geneumd werre, in ander tale kènt tóch. Ich han nörges bewaerd dat 'ch de sjp wil verendere. De oê is 'ne afzoonderleke klaank, zjuus wie alle aander klaanke in d'r tabel. De oa (aoë) va Kèrkrao is zjuus ömdat in 't Ripuarisch, mae ooch richting Kapel (vreuger) d'r naosjlaag 'ne aa-klaank haat. De oa va V'berg haat mieë 'n o (van bok)-kleur in d'r klaank es de ao van Norbik. Dus ooch zjuus. --Mergelsberg 14 sep 2008 22:50 (CEST)
De oa van Valkeberg klink es "oea" en dao ies gein o (van bok) in te huère!--Aelske 15 sep 2008 10:41 (CEST)
Aha, mae dàt mót me da wète dat de V'burgse oa sjtèèt vör d'r klaank oea en dat is 'ne twieëklaank? En neet 'n oe mèt 'ne aa naosjlaag? Kiek 'ch vraog dat oet interesse. Es-te dit euverlèk meuj bès, hoefs te neet te aantwaoërde. Waal wil 'ch nog effe kwiet dat de o van bok (NL) örgens tösje 't scala ao - o - oe insjtèèt en dus mieë 'n o-kleur haat es wie de ao.--Mergelsberg 15 sep 2008 12:43 (CEST)

'Woersjprong naom[brón bewèrke]

Wat de herkomsj vaan de naom betruft: http://en.wikipedia.org/wiki/Oost-Maarland . Bensjesknööpkes 4 nov 2009 18:14 (CET)

Interessaant! Haat d'r nog 'n aander brón daovör. Dat dit d'r parochiehèllige waor, of dat de kèrk zoe geneumd waoërt?--Mergelsberg 4 nov 2009 19:17 (CET)

Artikel vaan de VVV 'wuver dés plaots, 'nen tied terögk. Helaas neet mé te véngde . Mögelek waol dao nao te vraoge. Bensjesknööpkes 7 nov 2009 04:59 (CET)

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Oêsj&oldid=182682"