Euverlèk:Mars (planeet)

Planeet mannelik/vrouwelik

Is het woord planeet neet vrouwelijk? - PAhles 15 mei 2007 10:41 (CEST)

Jao, volges miech vrouwelik, dus die planeet.--Aelske 15 mei 2007 11:00 (CEST)

OK, meh Mars op ziech is mannelik, dus heer drejt bladibladibla... Steinbach (vreuger HaafLimbo) 15 mei 2007 13:06 (CEST)

What's in a name? 't Is natuurlik 'de planeet Mars', en dus drejt zie... - PAhles 15 mei 2007 16:17 (CEST)

't Liekent miech tot 't aofhingk vaan 't woord boenao verweze weurt, Mars of de planeet. Zou 't neet mote zien:

E jaor op dees planeet doort 687 daog, ze deit dus haos twie kier zoe laank euver 'n umloup es de Eerd.

E jaor op Mars doort 687 daog, heer deit dus haos twie kier zoe laank etc.

Vergliek:

't Bies steit op en 't sprink vaan de taofel.

De kat steit op en ze sprink vaan de taofel.

Dewijl 't hei um dezelfde kat geit verandert 't rifferentiewoord, umtot 't nao 'n ander woord mèt 'n ander geslach verwijs. Zoe is dat dus in principe ouch mèt Mars en de planeet. Um alle twievel eweg te numme, kiek ins op 't de:Venus (Planet). In 't Duits is 't zjus andersum, dao is Planet mannelik. Toch weurt bij de "vrouwlike" planeet Venus ummer mèt sie denao verweze. Steinbach (vreuger HaafLimbo) 15 mei 2007 17:50 (CEST)

Volges miech vergelieks te appele mèt pere. 't Geit hij allein mer um 'de planeet' en 'de planeet Mars' (en dao is toch gei versjèl tösse?). En 'planeet' is 'n vrouwelik woord. Dat ze dat in 't Duits aanders doen mótte zie wete. Zoe es te kins zien in de wijziging die iech höb gemaak, höb iech aon 't begin 'de planeet' towgeveug. Daan sleit 'zie' in de twiede zin zeker op 'de planeet Mars'. Es v'r ech alle probleme wèlle veurkómme mót 'zie' gewijzig weure in 'de planeet'. (Intösse weurt dit weer 'n vaols te lange discussie euver 'n futiliteit) - PAhles 16 mei 2007 13:25 (CEST)

Neet uvveraal is planeet vrouwelek. Ich zègk d'r planeet en de zon en d'r mond.--Mergelsberg 15 mei 2007 23:29 (CEST)