Euverlèk:Maria Scheres

    Van Wikipedia

    Maria Scheres is gebore in 1949 in Riekelt ( Ned. Rijckholt)/ Groésselt (Ned. Gronsveld). In 1972 is ze verhuis nao Mestreech. Ze heet ziech dat dialec ouch eige gemaak, in 't praote en in 't sjrieve. Ze is dus twietaolig. Nao tien jaor sjrieve in deez twie dialecte heet ze in 2005 de Veldeke Literatuurpries gewonne mèt 't verhaol: Opruime. 't Is gedeiltelik autobiografisch. Ze heet twie beuk oetgegeve in de LiLiLi-reeks. 't Ierste is e kinderbook getiteld: Sp(r)ookverhaole en 't twiede is e book dat sjoort aon 't leve of zoe g'r wèlt, aon de ziel. Titel: Sjoorpepier. Ze sjrijf ouch gediechte boevaan d'r väöl zien gepubliceerd in GRUELES, e heemkundebläod van Groésselt en in 't Veldekeblaad, wie dat nog bestoond. Helaas kin dat neet mie umtot 't blaad is opgehawwe te bestoon. Al steit Veldeke veur 't bevorderen en behoud van 'onze Limburgse taal en cultuur', en is 't Limburgs 'n erkinde streektaol, de zörg veur häör sjrievers is minimaal.

    e Veurbeeld vaan häör twie dialecte:

    Groesselders:

    Zoëmerweend:

    Voldräoge aore wege hun zonnekeender rytmisch traog ién lawwe zoëmerweend

    Basaal bewoëge noete gedûip ién zjwert geriépte erd Sacraal gebraach op vluugel.


    Mestreechs:

    Voldrage aore wege hun zonnekinder rytmisch traog in lawwe zomerwind

    Basaal bewoge noete geduip in zwart geriepte eerd sacraal gebrach op vleugel.

    Bovesjtaonde zake, die nog néét in 't artikel sjtónge, höb iech in 't artikel geplaats--Aelske 22 jan 2009 18:47 (CET)Reageren[reageer]

    Copyright[brón bewèrke]

    Leef lui, maag dat zoemer, die stäölkes in 't artikel? Wie klein de oplage vaan de LiLiLi ouch zien, ouch dao-op zit copyright. Steinbach (euverlègk) 1 mrt 2018 19:04 (CET)Reageren[reageer]

    Es de sjriever toestumming haet gegaove netuurlik waal. Det kónne v'r baeter 'ns naovraoge bieje gebroekers die bie Veldeke zitte. --OosWesThoesBes (euverlègk) 1 mrt 2018 21:50 (CET)Reageren[reageer]
    Mèt 'n aantal van de sjrieversj woa-euver iech gesjreve höb, höb iech zelf kontak gehad. Meh iech weit neet miè precies wae allenei. Iech dach ouch mèt Maria. Iech dink eigelik dat 'n 'sjtäölke' mer 'n fractie zou moete zin van 't eigelik werk. Dao kènt nemes get mèt, allein geuf 't waal 'nen indrök van de meneer van sjrieve en dat waor / ies de bedoeling.--Aelske (euverlègk) 2 mrt 2018 10:56 (CET)Reageren[reageer]
    Copyright-technisch mót de brón waere vermeldj en inne meiste vel ouch mit toestumming vanne sjriever. Ich stèl veur det v'r aannumme det de hujige stäölkes allemaol mit toestumming zeen toegeveug woren en det v'r veur nuuj stäölkes 'n sjriftelike (mail, etc) toestumming vereisje. --OosWesThoesBes (euverlègk) 2 mrt 2018 12:33 (CET)Reageren[reageer]