Euverlèk:Dröpke

Van Wikipedia
Naar navigatie springen Naar zoeken springen

Volges mich wirt mèt pèkè neet 't zelfde bedoeld es mèt ein dröpke. Pèkè is specifiek ein jeneverdrekske met diverse sjmake, terwiel ein dröpke eine algemein gebroekelikke naam is veur eine borrel. Kènt dus vanalles zeen wat in 't glaeske zit (sjnaps, branjewien, ein aelske, wodka, num mèr op). Is 't neet baeter dat Mergelsberg van Pèkè ein apart artikel maak? (gebaseerd op de Waalse versie van pèket). Pivos 3 jan 2011 14:31 (CET)

Liek miech ouch. - Pahles | zègk 't mer 3 jan 2011 15:22 (CET)
In Norbik, Maer, Tebannet, Éésjde en över de grens de gemèngdes Voere, Blieberig en mäögelek ooch nog in V'berg, is pèkè e synoniem väör dröpke.

--Mergelsberg 3 jan 2011 15:29 (CET)

Es dat zoe is moot de IW nao 't waolse wa:Motî:peket en 't franse fr:peket eweg. - Pahles | zègk 't mer 3 jan 2011 15:34 (CET)
"Ein typisch Limburgs dröpke is Aelske, ein absinth-alsem (aels) drenkske, ouch waal Els la Vera geneump". Es v'r mèt e dröpke allèng nao 't glaas verwieze, wat vólges mich neet zoe is, dan mót dèzze regel ooch hersjraeve waeëre. Zów v'r neet 'ns effe óp de mienging van Aelske wachte!--Mergelsberg 3 jan 2011 15:47 (CET)
Ich kèn, en han hie ooch versjillende, ooch ow geërfde, soms gegraveerde en mèt goodrensjes verseerde dröpkjesgleskes. Öp e veutsje mèt e puutsje (totaal 'n 10 cm hoeëg) zeunt sjnapsglazer en die zoonder puutsje zeunt pèkèsglazer en da gift 't nog de later "hollendsje" tulpkes op e klee puutsje oeë d'r "jonge" oet gedroonke waoërt.--Mergelsberg 3 jan 2011 16:10 (CET)
Wiezoe mote v'r op de meining van Aelske wachte? 'n Dröpke heet niks mèt 't glaas te make, mer mèt 'n drenkske wat gewoenlek in e klein gleeske weurt gesjoonke. Deen draank kin vanalles zien. Zoewie iech al zag is dat neet 't zelfde es peket/pèkè, wat ein soort draank is (wat an sich netuurlek wel es dröpke kin dene!). - Pahles | zègk 't mer 3 jan 2011 16:15 (CET)
Iech kèn 't woord pèkè neet. Dorren (woordebook 1928) haet 't euver paeke es onmatig drinke. Die glaeskes op puètsjes neume veer hie dröpkesglaeske. Dao-oet drink me idd. allerlei soorte sjterke drank. AGL geuf o.a. diet: paeke= drinke en tere. paek = dropsjtaaf--Aelske 3 jan 2011 16:23 (CET)
Ich bèn 't heëlemaol eins mèt de lètste tweë reacties van Pahles en Aelske. Pèke heuërt dus neet thoes in 't artikel Dröpke. Ich zelf kèn ouch allein mèr 't woord paeke in de beteikenis zoaes Aelske die geuf. De foto mót ouch weg. Pivos 3 jan 2011 16:50 (CET)
Kènt emes die doorverwiezing van Pèkè nao Dröpke weghaole! Die is neet meë van toepassing. Pivos 3 jan 2011 17:13 (CET)
Tóch is pèkè of pik, naeve dröpke 't Norbiks waoërd. Mesjie is 't verouderd ömdat zelfs Aelske dat neet mie kint. Kiek 'ns vör de grap in 't Zitterds waoërdebook oonder Pikmaan. Dao wert zich idd get biejee gefantaseerd, wie Pivos ieëder al zag, terwiel oet d'r context dudelek bliekt dat 't öm 'ne Welsj góng dao ze, de pèkès, gaer how! Bies in Zitterd waoërt d'r term dus gebroekd en koes me die in d'r cafè kriege. 'ne Noonk van mieng mam, dae gebaore en getaoge waor in Norbik makde èges pèkè van zjwarte miemele! En da droonk e zich 's aovends e dröpke...idd. Ich deenk dat Pahles geliek haat! Pèkè kan e dröpke zieë. Wat zaet d'r M'treechter dictionair trowwes want dae han 'ch neet?--Mergelsberg 3 jan 2011 18:20 (CET)
De Nuie Mestreechsen Dictionair kint 't woord neet. Pikèt is gewoen 'tzelfde es 't Nederlands piket (wat dit alles kin beteikene). Wel besteit 't werkwoord peke wat zoeväöl beteikent wie 'dröpkes drinke'. Steinbach 3 jan 2011 19:38 (CET)
Zuug hie: nl:piket. De Wikischim 4 jan 2011 10:34 (CET)
Voerense dictionair sjrieft: pikè (pi/kè), ook pikkè : jenever. merknaam: Peket.--Mergelsberg 4 jan 2011 17:38 (CET)
Ich zouw zègke gank mer èns aan de sjlaag óm ein apaart artikel euver Pèkè te sjrieve Mergelsberg. De höbs al heël get informatie biejeinverzameld dach ich. Pivos 4 jan 2011 17:59 (CET)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Dröpke&oldid=244980"