Euverlèk:Dolfijne

Pagina-inhoud wordt niet ondersteund in andere talen.
Van Wikipedia

Vräögsjke: is "dolfien" plat (boete Mesjtreech), of zaet me ummer "dolfijn"? Ich ving allebei raar klinke. Lieënwoeërd? --Tibor 9 fib 2008 19:25 (CET)[reageer]

Meistal huèrs se Dolfijn es liènwoord. Meh umdat (bekans) alle weurd mèt lang ij in 't plat de ie-oetsjpraok höbbe behoute zou iech dolfien neet gek vinge. Ze zègke zelfs al palies (tege paleis mèt korte ei) en dat ies dan wir 'n (vraem meh begriepelike) aanpassing!--Aelske 9 fib 2008 23:16 (CET)[reageer]
Ich zègk dolfien-dolfiene EN dolfijn-dolfijne, al nao gelang oeë 'ch bèn en/of mèt wae 'ch kal. 't örsjte richting Vols-Kelmis en es 'ch mèt aower luuj kal, 't twiede richting Mestreech en noordeleker en es 'ch mèt jong luuj kal.--Mergelsberg 10 fib 2008 00:30 (CET)[reageer]
Dolfijn steit zoe geneump in de Nuie Mestreechter Dictionair. - PAhles 10 fib 2008 00:41 (CET)[reageer]
Prima. Mer bie dit saoërt wuuërd, die me op 't plat neet zoeë väöl gebroekt, ving ich dat ze al gaw kunsmaotig klinke es ich ze 'verlimburgs'. Es ich d'r neet uëver naodink, zèk ich "dolfijn", en es ich dat waal doeën, twiefel ich. --Tibor 10 fib 2008 15:22 (CET)[reageer]
Ich bön d'r 't mit dich mit ins det dolfien 'n bietje kunsmaotig klènk. Gweun dolfijn dink ich, ouchal zów dolfien/delfien neet gek zeen. In 't Letien zaet me namelik delphīnus. --OosWesThoesBes 10 fib 2008 15:45 (CET)[reageer]
Delfin, vreuger delphine, (oetsjpraak delfien) is ooch Duutsj. In 't övergaanksgebied tösje Mestreech en Vols wert ooch dolfien gezag. In 't Montzenergebied hoeërt 'ch 'n paar waeëke truuk 'n owwer vrow, die 'n rees how gemakd, vertèlle: En die dofaes culbuteerde roond 't sjip, dat 't 'n sjpas waor öm te zieë! Ich vin dat me neet te flot mot zègke dat get keunsmatig kleenkt. Me probeert zich te verduutsje, en dat is good, en es in 't Plat de waoërd mankere gèèt me ze zeuke in de taal die daonao 't korste bie dich liegkt.--Mergelsberg 10 fib 2008 20:06 (CET)[reageer]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Dolfijne&oldid=101798"