Euverlèk:ABBA

Steinbach, de höbs al mien bewèrkinge vaan vendaog trökgedrejd. Iech num aon dat dat 'n vergissing is? Euveriges gebruuk iech noe de Digi-Dictionair vaan Veldeke Mestreech en dao stoon ouch de verbeteringe vaan de NMD in (dee is jummers ouch neet foutloos). 'Zangeres' vertaold ziech in 't Mestreechs toch ech es 'zangeres' (en dus neet 'zengeres', en dat is inconsequent, want 'zanger' vertaold ziech es 'zenger', mer dao kin iech ouch niks aon doen). Iech zal dien trökdrejsel trökdrejje (en daan nog 'n fuitsje droet hole, want iech höb miech verdaold mèt 't woord numme/neume in 't stök euver de naodaog). - PAhles 5 nov 2007 14:28 (CET)[reageer]

O, dat had iech neet in de gater, wie kin dat noe weer? Iech zouw toch gezwore höbbe tot iech de actueel versie bewerk had? Toch steit zengeres ech in de NMD en dao is 't vas neet zoemer ingekoume. Iech veul zangeres es e batavisme aon, es Hollandsen invlood, en iech gaon blind devaanoet tot vreuger edereine zengeres zag, meh iech besjik neet euver bronne die dat hel kinne make (wee wel eigelek?). Штайнбах Maak alle wio's aof! 5 nov 2007 14:35 (CET)[reageer]

Ich wil toch effe opmaerke dat 't hie vreuger gaar gèng (populair)zangeresse goof en dus goof 't ooch gene naam d'r väör. Me zong hoeëg-oet in d'r zaank en dao waor me alt of sopraan.--Mergelsberg 5 nov 2007 14:46 (CET)[reageer]

Iech zing al miè es 30 jaor in 'n gemengd koar. Volges miech höbs ze: 'ne zenger (man), zengersj (manne) (ónderverdeild in: basse, baritons en tenore) en 'n zangeres (vrouw) en zangeresse (vrouwe) (ónderverdeild in: alte, mezzo-soprane en soprane). Ze zinge in 'n zangkoar, zangkoer of zangkoeër--Aelske 5 nov 2007 16:44 (CET)[reageer]

Nogmaals, de gedrökte versie vaan de NMD is vas en zeker neet foutloos. Op de site van Veldeke Mestreech steit 'r noe ouch online (Nederlands-Mestreechs), en dao steit 't volgende: De digitaol databaank vaan d’n Digi-Dictionair kin door de taolkemissie vaan Veldeke Krink Mestreech weure aongepas. ’t Kin daorum gebäöre tot d’r versjèlle zien tösse d’n Digi-Dictionair en de gedrökden dictionair bij uuch thoes. ([1]). Mesjiens is dit ein vaan die wäörd? Iech höb euveriges in (bijnao) 39 jaor nog noets 'zengeres' gezag, mer dat zeet ouch niks netuurlik. - PAhles 5 nov 2007 14:47 (CET)[reageer]