Euverlèk:'t Lauradörp

Pagina-inhoud wordt niet ondersteund in andere talen.
Van Wikipedia

Hoi Aelske, 't dialeksjabloon verwiest noe nao de plaatsj Ubach over Worms. Jean Frins neumde zie Plat lèts scheijdter, nuijenhager, woabacher ofwaal Landgraafse misjmasj variaant. Zów Landgraafse misjmasj neet baeëter zieë es de plaatsj? Wat deeks doe?--Mergelsberg 4 jan 2010 10:29 (CET)[reageer]

Iech zeen dat de link idd. nao de plaats verwies. Meh of misjmasj es naam good aankump bie de inweunersj? Iech höb hie 'ne woordelies (zj.) van Ubach over Worms (van Overworms kwartier tot gemeente Landgraaf). Op de ièrsjte pagina sjtoon get typische oetsjpraokversjille van 't Waubachs, Rimburgs en Nieuwenhagens (3 versjillende dialektte, die me toch neet tot eine misjmasj maog "reducere"). Iech zou 't veurluipig es volg wille aangeve tot ziech 'ne inweuner melt: Sjeter, Waobichs, Rimburgs, Nuienhager en Euverworms. Landgraaf ies allein de naam van de nuuj gemeinte.--Aelske 4 jan 2010 11:04 (CET)[reageer]
Prima! (Terzijde) Tiens, 'ch han 'n ander belaeving van d'r term misjmasj! Ich zeen dat neet oetsjletend es 'n reductie of nivvelering mae ooch es 'n verrieking. Misjmasj is 'ne term wie 'n medaille mèt 2 kaante, vin 'ch.--Mergelsberg 4 jan 2010 11:10 (CET)[reageer]

Kèrkdörp?[brón bewèrke]

Is dit Lauradörp e kèrkdörp, wie 't artikel zeet? Of is 't ieder 'n wiek? Volges 't gemeintesjabloon vaan Landgraaf op de Nederlandse Wikipedia heet Landgraaf mer veer dörper, en zien kolonies wie dees allemaol wieke. Mote veer dat volge of blieve v'r ze es dörper zien? ⵙⵜⴰⵢⵏⴱⴰⵅ 28 okt 2011 23:09 (CEST)[reageer]

In de naam wuuertj -dörp gezag en officieel is t'r in Nederlandj gei versjèl mieë tösje dörper en wieke (Mofert is officieel bv. 'n wiek van Roerdale). Ich zów 't dörp laote, behalve es me-n in Lauradörp ech zèlf zich veure vólle 100% es Waubigs zuutj. --OosWesThoesBes 28 okt 2011 23:15 (CEST)[reageer]
Hm, 't woord dörp heet ouch wel 'n volkskundege beteikenis, en dao-aon moot weure voldoon, vin iech. Op Google Maps vin iech de plaots neet ins. Iech höb al get gedoon door 'n speciaol categorie veur kolonies aon te make - sommege vaan die dinger golle es dörper, aandere es gehuchte, 't gief dus mie twievel en eigelek is 't 'n typ nederzètting op ziech. Wie daan ouch, iech zit wel mèt 'nen handicap. Iech wèl de Limbörgse Wikipedia gere aon regiogeboonde artikele helpe, want die höbbe 'n hoeg prioriteit, meh iech woen dao neet, iech kin 't dao neet zoe good wiet geer en wee wèt kom iech wel mèt oonzin aon. Ieg merci veur de snel reactie! ⵙⵜⴰⵢⵏⴱⴰⵅ 28 okt 2011 23:32 (CEST)[reageer]