Esjembrook

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Raoëtemer, es te dit dialek sjpriks.

---

Esjembrook (Duutsj: Eschenbroich, op aaj kaarten ouchwaal gesjreven es Eschenbruch) is e gehöch inne Naordrien-Wèsfaalse gemèndje Hukkelhaove. 't Gehöch huuertj toet 't dörp Kleingladbach. 't Ligk tössen 't dörpscentrum van Kleingladbach nao 't naorde; Horst nao 't wèste; Hukkelhaove nao 't zuje en 't gehöch Bergerhof (inne richting van Houverath) nao 't oeaste. De Mellikerbaek struimp langs 't wèsten en naordwèste veurbie 't gehöch.

Esjembrook besteit oet twieë waeg: 't korte sträötje Eschenbroich, det juus t'n wèste vanne Mellikerbaek ligk, meh waal nag t'n naorde vanne Gladbach (t'n zuje hètj 't Horst) enne lange landjwaeg Im Siel, dae inne richting van Hukkelhaove trèk.

Esjembrook huuerdje vreuger bieje gemèndje Kleingladbach, die op 1 jannewarie 1972 bie Hukkelhaove woort ingelief.