Erbium

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Erbium.

Erbium is e sjemisch element mit es symboeal Er en 't atoeamnómmer 68. 't Is 'n zilverwit lanthanied.

Erbium is e vrie zaach en buugzaam metaal mit 'ne klaor metallieke glans det bie standerdtemperatuur en -drök minder snel wuuertj aangetas dore lóch es väöl anger lanthanide. In zichbaar, ultraviolet- en infraroeadleech vertuuentj erbium e karakteristiek spectrum. De meiste zalte van erbium höbben 'n raos kluuer.

Inne netuur kump erbium neet veur es e vrie element, mer 't kump veur in mieëder minerale worin ouch anger lanthanide waeren aangetróffe wie gadoliniet, monaziet en bastnäsiet. De wichtigste commercieel brónne veur erbium zeen de minerale xenotiem en euxeniet.

Toepassinge[bewirk | brón bewèrke]

Erbium wuuertj väöl toegepas es 'ne fotografische filtjer enne vaerkreftige eigesjap maak 't e broekbaar additief in legeringe. Erbium wuuertj ouch väöl gebroek in fotonica, ómdet de band gap euvereinkump mitte golflingdje wobie glaasvaezel de hoogste transmissie haet. Anger toepassinge zeen:

  • Es verstevigingsmiddel in vaezele;
  • In nucleair installaasjes zörg 't neutronabsorberendj vermoeage van erbium d'rveur det 't kan waere gebroek es 'ne neutronvenger.

Inne glaasindustrie wuuertj erbiumoxied, det 'n raos kluuer haet, gebroek veur 't kluuere van glaas. Dit glaas wuuertj döks gebroek veur zónnebrillen en gojekoupe sieräöj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Erbium&oldid=392753"