Enrico Fermi
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Enrico Fermi (Rome, 29 september 1901 - Chicago, 28 november 1954) waas 'nen Amerikaanse netuurkundige aafkómstig oet Italië. Hae geneet de grootste bekèndheid veur zie werk op 't gebied van bètaverval, de óntwikkeling van de eerste kernreactor en de mitóntwikkeling van de kwantumtheorie (de gólje regel van Fermi). In 1938 kreeg t'r de Nobelpries veur de Netuurkunde.
Fermi sjting aan 't houf van 't team det de eerste kernreactor boedde, worin de eerste beheerste nucleair kittingreactie plaatsvónj en waas ein van de kopsjtökker van 't Manhattanprojek. De fermione en 't Fermi National Accelerator Laboratory (Fermilab) zeen nao 'm verneump gewaore en wiejer 't element fermium en de Fermi-Diracsjtattestiek mit 't Ferminiveau. In 1956 waerde de Enrico Fermi US Presidential Award in 't laeve gerope t'r herinnering aan zie laeve en werk en de aafdeiling aan de universiteit van Chicago wo d'r werkde, die noe 't Enrico Fermi-instituut hèt.