Endemie (genaeskónde)

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


'n Endemie is 'n infectiekrenkde die blief veurkómme in 'n bepaold gebied zónger det de patiënte de krenkde örges anges höbbe opgeloupe. Bie endemische krenkdes is 't aantal besjmètting rilletief kónsjtant: 't aantal nuuj besjmèttinge weurt gecompenseerd door 't aantal persone bie waem de krenkde verdwient (of door 't sjtirve van de persoon of door genaezing).

Wen 't aantal besjmètte luuj exponentieel toenump (en vervolges heel sjnel aafnump door e gebraek aan meugelik te besjmètte individue) neump me de krenkde neet endemisch, mer epidemisch. 'n Epidemische krenkde sjturf in e bepaold gebied oet of ze weurt nao verloup van d'n tied endemisch.