Epidemie

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


'n Epidemie is 'n oetbraak van get, gebroekelik 'n krenkde, die zich versjprèd tösse luuj; bie beester sjprèk me euver 'n epizoötie. 'n Epidemie die zich euver grote deiler van de waereld versjprèd neump me 'n pandemie. 'n Krenkde die gebroekelik is binne 'n bepaolde groep of binne e begrens geografisch gebied hèt 'n endemie.

Óngerzeukers die epidemieje óngerzeuke, epidemiologe, kinne zich besjeftige mit óngelökke, psychische krenkdes of aandeuninge. 't Kriterium van 'n epidemie is det 't aantal getróffene staedig grujd, tótdet de epidemie zien hoogdepuntj haet bereik. Es 't aantal daonao neet aafnump mer óngeveer róndj 'tzelfde niveau blief ligke, is de epidemie 'n endemische krenkde gewaore.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Epidemie&oldid=373986"