Emile Hendrix

Van Wikipedia
Naar navigatie springen Naar zoeken springen
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Haels, as te dit dialek sjpriks.

Emile Marie Helene (Emile) Hendrix (Hael, 5 december 1955) is 'ne Nederlandse sjprèngruter.

Hendrix naom in 1996 deil aan de Olympische Sjpele in Atlanta, wo hae mèt zien paerd Finesse ein zevende plaatsj behaolde in de wedsjtried veur equipes, samen mèt Jos Lansink, Bert Romp en Jan Tops. In de individuele wedsjtried woort hae in de hauve finale oetgesjakeld veur wiejere deilnumming. In 1991 woort hae biej de Europese kampioensjappe in Münche veerde biej de individuele wedsjtried en wón hae mèt 't Nederlandse team ein brónze medaille. In 1997 behaolde hae biej 't EK ein tweëde plaatsj mèt 't team en in 1981 en 1999 ein derde plaatsj. Ouch woort hae tweë keër Nederlands kampioen in 1984 en 1985.

Same mèt zien broor Paul runt hae in 't Limburgse Baarlo ein succesvol bedrief in de hanjel in internationale sjprèngpaerd. Hae is op veursjpraak van zien collega-rutersj lid van de FEI commissie sjprènge en is betrokke biej de hippische activiteite die 't prestigieuze Italiaanse aafkickcentrum San Patrignano haet óntwikkeld. In Nederlandj is Hendrix es directeur sjportief nej betrokke biej de organisatie van 't CHIO Rotterdam.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Emile_Hendrix&oldid=349106"