Eilandjbaog

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Plaattektonische situatie van 'nen eilandjbaog. E sjtök oceanische kórs subduceertj de aerdmantjel in, wodoor gedeiltelik sjmulte plaatsvindj. De sjmult kump ómhoog in de vorm van magma; dit zörg veur de vörming van vólkaan op de euverriejende plaat (rechs).

'nen Eilandjbaog is 'n rie aan gooddeils vólkanische eilenj, die gevörmp is gewaore dore wirking vanne plaattektoniek.

Vörming[bewirk | brón bewèrke]

Eilandjbäög waere gevörmp op plaatse wo de ein oceanische plaat ónger de anger subduceertj. Baove de subductiezone zal 'n lang topografische depressie óntsjtaon, 'nen oceanischen traog. De subducerende kórs zal sjuuns de aerdmantjel in bewaege. Ómdet de subducerende kórs nag väöl zogeneumde vlöchtige besjtandjsdeiler (lichte sjtoffe wie water of gaze) bevat, zal deze gedeiltelik sjmulte. De sjmult kump ómhoog es vleujbaar magma, wodoor op de euverriejende plaat vólkanisme plaatsvindj. Hiedoor óntsjtaon 'n langgerèkde kitting van eilenj langs d'n oceanischen traog.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eilandjbaog&oldid=387840"