Eigael

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


't Eigael of d'n eidojer is 't binnelste, gael deil van 't ei. De dojer vörmp 't voor van e zich óntwikkeldj embryo. d'n Dojer is verantjweurdelik veur óngeveer e derde van 't gewich van 'n hinne-ei.

Samesjtèlling van 'n hinne-ei[bewirk | brón bewèrke]

't Eigael bevat versjillende belangrieke (voedings)sjtoffe, per 100 gram:

  • 32 gram vèt, euverwaegend ónverzaojig;
  • 1,3 gram cholesterol; 'ne groten dojer bevat meer es twee derde van de daacheliks aanbevaole wieväölheid van 300 mg;
  • vitamines: A (886 microgram), D (6 microgram) en K (147 microgram) en daonaeve versjillende saorte B en E. 't Is ein van de weinige voedingsmiddele die van natuur vitamine D bevatte;
  • 16 gram proteïne (eiwit); bao de helf van de eiwitte van 'n ei bevindj zich in d'n dojer;
  • minerale, ónger angere 40 mg calcium; 16 mg magnesium, 7 mg iezer; 51 mg natrium; 138 mg kalium en 180 mg chloor.

'nen Eidojer bevat óngeveer 1455 kilojoule; 't eiwit óngeveer 208 kilojoule per 100 gram.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eigael&oldid=452168"