Eddy Beugels

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Eddy Beugels (Zitterd, 19 mieërt 1944) is 'ne veurmalige Nederlandse fitserenner.

Biografie[bewirk | brón bewèrke]

Hae waas beroopsrenner tösje 1967 en 1970. Es amateur wón hae in 1965 'n etappe in Olympia’s Tour en in 1966 de Runj van Noord-Holland en de Ómloup van de Baronie. Ouch wón hae in 1966 de zilvere medaje biej 't Waereldkampioensjap op de waeg op 't nummer 100 km plogetiedrit, same mèt Tiemen Groen, Rini Wagtmans en Harrie Steevens. Dees ploog leep de gouwe medaje mis door materiaalpech van Beugels en Wagtmans, wodoor op allebei dees renners moosj waere gewach. De Deense ploog wón mèt 'ne veursprónk van 24 seconde op Nederland.

Es profwielrenner behaolde hae zien groatste succes in 1968 door 't winne van de klassieker Rund um den Henninger Turm veur de Belsje Van Sweefelt en Van Springel. Hae waas hiemit de eësjte Nederlander dae deze wedsjtried wón. In 't zelfde jaor wón hae ouch de Runj van Wallonië.

In 1969 woort hae tweëde in de klassieker Kampioensjap van Zürich wo-in hae in de eindsjprint woort versjlage door ziene medevlöchter, de Belsj Roger Swerts.

Hae naom drie keër deil aan de Runj van Frankriek. In 1968 maakde hae deil oet van de Nederlandse ploog die Jan Janssen aan de eindjeuverwinning hólp. Hae waas eine van de veer renners (Janssen, Beugels, Dolman, Den Hartog), van dees ploog die dees runje oetreej. In 1969 reej hae de Tour in deens van Raymond Poulidor dae oetentedelik derde woort in de eindjrangsjikking. Zien bèste daagsucces in dees runje waas 'n 2e plaatsj in de 14e etappe achter Joaquim Agostinho. In 1970 reej hae in deens van Joop Zoetemelk dae tweëde woort achter Eddy Merckx. Zien bèste daagsucces was noe ein derde plaatsj in 't eërste deil van de 20e etappe.

Nao zien wielerloupbaan waas Beugels o.a. actief es veurzitter van de rennersvakbóndj AICPRO. Hae sjreef ouch 'n beukske euver "Sponsering van de wielersport" mèt richliene veur de organisatie van 'n beroepswielerploog.

Belangriekste euverwinninge en eëreplaatsje[bewirk | brón bewèrke]

1965

1966

1967

1968

1969

1970

Tourdeilnames[bewirk | brón bewèrke]

Ploge[bewirk | brón bewèrke]

  • 1967 - Mercier-BP-Hutchinson
  • 1968 - Mercier-BP-Hutchinson
  • 1969 - Mercier-BP-Hutchinson
  • 1970 - Flandria-Mars

Brón[bewirk | brón bewèrke]

  • Euvergezat oet Wikipedia NL.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eddy_Beugels&oldid=349090"