Mosbieëster
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
.jpg)
De mosbieëster, mosbieësjkes of mosdeerkes (Letien: Bryozoa of Ectoprocta; neet te verwarre mit de waterbaerkes) vörmen 'ne stam van oermunjige (Protostomata) die veural inne zieë laeve. Zoeaget 6000 laevendje saorte zeen besjreve geworen in deze stam, worónger de vleescelpoliep en 't blaadechtig häörewier.
Dees hoeagoet 1 mm lang waterbieësjkes laeven in doeasvörmige, toet kelonies verkitje huuskes. Sómtieds vörme ze koosjten op rotsen en zieëwier. Anger saorte vertuuenen euvereinkumste mit mos, det inne struiming haer en trögk wuuertj geweeg. Aafgestorve kelonies waere döks 't strandj op geworpe, wo ze waeren aangezeen veur verdruueg zieëwier. Mosbieëster gaeven euveren algemein de veurkäör aan werm, troeapische watere, meh kómmen euvere ganse werreld veur.
Binne de geologie, en mit naam de paleontologie, zeen Bryozoa wichtige indicatore veur 't aafzèttingsmiljeu van 'n bepaoldj saort aan stein. Ómdet de Bryozoa delicaat organisme zeen is 't veurkómme daovan in sedimentaire stein 'n indikaasje veur e roewig aafzèttingsmiljeu. Wen de Bryozoa hieël opgebraoke zeen (en zoea-geneumdje bioklaste vörme) is de innerzjie hoger gewaes t'n tieje vanne aafzètting.