EVV
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Echters, es te dit dialek sjpriks.
EVV, voloet (Nederlands) Echter Voetbal Vereniging, is 'n amateurvoetbalclub oet 't stedsje Ech. Sinds jaore späölt ze bij de amateurs op 't hoegste niveau.
EVV späölt op Sportpark In de Bandert. 't Tenue van de club besteit oet blauw-wit gestriepde shirts, witte breuk en blauw kouse.
Historie
[bewirk | brón bewèrke]De historie vaan de club begint in 1908 mèt de opriechting vaan EVV Sparta. Dees club góng evels in 1925 failliet. 't Jaor dao-op beslote ze veur de club obbenuits op te riechte. Dit gebäörde in 't vreuger Oranjehotel aon de Joadesjtraot. Zien ierste wèdstried späölde EVV op 24 oktober 1926. 1926 gelt daomèt es opriechtingsjaor. In dees jaore haolde de club versjèllende klein prieskes, wie de Baron de Vexela Coupe in 1940.
Mèt de wins vaan de Ierste Klas regio zuid in 2004 promoveerde de club nao de Zondag Hoofklas B; daomèt stoont 't veur 't iers in zien historie in de hoegste amateurcompetitie. Ouch in de hoofklas indegde de club miestal hoeg (evels noets es ierste). Bij de opriechting vaan de Topklas in 2010 - twie competities, boe allein de bèste clubs oet de zes hoofklasse mochte speule - kaom EVV in de Topklas zondag. De bèste prestaties waore de viefde plaots in 2013 en 2014. In 2016 haolde de club evels mer 'n tegevallende èlfde plaots. Heidoor kós ze neet promovere nao de semi-professioneel Twiede Devisie, meh kump ze in de Daarde Devisie oet.
Bron
[bewirk | brón bewèrke]Dit artikel is gebaseerd op, en gedeiltelek vrij vertaold oet, 't corresponderend Nederlandstaoleg artikel, en wel in dees versie.