Donderdag

Van Wikipedia
(Doorverweze van Doonderdag)
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Thor/Donar veurt door de loch. Sjèlderij oet 1872 vaan Mårten Eskil Winge.

D'n donderdag is 'nen daag vaan de week. 't Is vaanajds de vijfden daag vaan de week, meh in de westerse werkweek gelt 't es de veerden daag.

De naom kump vaan de Germaanse god Donar, d'n eponimische god vaan d'n donder. Oersprunkelek hèt d'n daag dies Jovis (in 't Latien) daan wel ἡμέρᾱ Διός (hèmera Dios, in 't Aajdgrieks). Donar woort dus geliekgestèld mèt Jupiter. Allewel tot Wodan (aanders es Jupiter en Zeus) geinen oppergod is, zien ze wel allemaol god vaan d'n donder. Feitelek is d'n daag neet direk geneump nao de god Jupiter, meh nao de planeet, wie de aander weekdaog. 't Astronomisch symbool veur Jupiter woort veural vreuger ouch veur d'n donderdag gebruuk.

In de Roems-Kathelieke Kèrk is Witten donderdag 'ne belaankrieken daag. 't Is naomelek d'n daag vaan 't Lèste Aovendmaal, d'n daag tot Zjezeke mèt zien apostele samezaot en daonao door Judas woort verraoje en gearresteerd. Ouch Hiemelvaartsdaag vèlt op 'nen donderdaag, zoe good wie d'n Amerikaanse fiesdaag Thanksgiving Day. Door zien associatie mèt d'n oppergod gelt d'n donderdaag in väöl culture vaanajds es gelöksdaag.

Daag van de waek
maondig · daensdig · goonsdig · dónderdig · vriedig · zaoterdig · zóndig
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Donderdag&oldid=429390"