Diederik Boer
Dit artikel is gesjreve (of begós) in 't Zittesj. Laes hie wie v'r mit de versjillende saorte Limburgs ómgaon.
Diederik Boer (Emmeloord, 24 september 1980) is 'ne Nederlandse veurmalige betaalde voetballer dae sjpeelde es keeper. Hae waor van 2001 tot en mit 2019 actief veur PEC Zwolle en Ajax.
Clubcarrière[bewirk | brón bewèrke]
PEC Zwolle[bewirk | brón bewèrke]
Boer kwaam in zien jeug oet veur Flevo Boys, wonao hae waerde gescout door FC Zwolle woo hae vanaaf 't seizoen 1995/96 ónger kóntrak sjtóng. Zien debuut in 't betaald voetbal waor op 8 meert 2003. Boer sjtartde in de basis taege Ajax en FC Zwolle verlaor de wèdsjtried mit 0–5. Einige jaore hei 'r gedeend es twiëede keeper. 't Seizoen 2005/06 waor 't eesjte seizoen veur Boer wo-in hae es eesjte keeper fungeerde.
Ajax[bewirk | brón bewèrke]
Op 31 augustus 2014 teikende Boer ein dreijaorig kóntrak bie Ajax, woo hae de opvolger waerde van de nao Feyenoord vertrochde twieëde keeper Kenneth Vermeer. Boer zou biej Ajax waal de eesjte doelman zeen tiedes de wèdsjtriede in de KNVB-baeker. Op 24 september 2014 maakde hae zien officiel debuut veur Ajax in de KNVB-baekerwèdsjtried taege JOS Watergraafsmeer, dae gesjpeeld waerde in 't Olympisch Stadion. Tiedens de lètste sjpeelrónj op 17 mei 2015 móch Boer zien competitiedebuut make taege FC Dordrecht. Deze wèdsjtried, wobiej d'r neit mieër op 't sjpel sjtóng, waerde door Ajax mit 2-1 verlaore. Ouch in 't daorop volgende seizoen koos De Boer d'rveur óm Boer te gebroeke tiedes wèdsjtriede in 't baekertoernooi. In de Eredivisie-wèdsjtried oet biej Heracles Almelo op 17 oktober 2015 verving hae Cillessen ónger de lat dae kampde mit 'n rögkblessure. Ajax wón deze wèdsjtried mit 2-0. Eind augustus 2016 vertroch eesjte keeper Cillessen nao FC Barcelona wo-op Ajax besjlaot óm Tim Krul veur ein seizoen te hure van Newcastle United. Door ein blessure waor Krul aevel neit drek inzètbaar. Peter Bosz, dae in 't begin van 't seizoen Frank de Boer hei opgevolg, kaos aevel veur derde keeper André Onana es tiedelike vervanger van Cillessen.
Trökkóms biej PEC Zwolle[bewirk | brón bewèrke]
Op 2 juni 2017 waerde bekèndgemaak dat Boer nao drei jaor aafwezigheid trökkoom nao zien aw club PEC Zwolle. Hae teikende e kóntrak veur twieë seizoene en sjpeelde nog ruum vieërtig wèdsjtriede. Nao aafloup van 't seizoen 2018/19 beëindigde hae zien actieve loupbaan. Boer waerde in juli 2019 keeperstrainer biej de PEC Zwolle Voetbalacademie. In 2021 waerde hae doorgesjaove nao de hoofmach.
Clubstatistieke[bewirk | brón bewèrke]
Belofte[bewirk | brón bewèrke]
| Seizoen | Club | Competitie | Competitie | ||
|---|---|---|---|---|---|
| Wèd. | Dlp. | ||||
| 2014/15 | Jong Ajax | Eesjte divisie | 3 | 0 | |
| 2015/16 | 2 | 0 | |||
| 2016/17 | 1 | 0 | |||
| Totaal | 6 | 0 | |||
Seniore[bewirk | brón bewèrke]
Erelies[bewirk | brón bewèrke]
Met PEC Zwolle[bewirk | brón bewèrke]
| Competitie | Aantal | Jaren | |||
|---|---|---|---|---|---|
| Nationaal | |||||
| Eesjte divisie | 2x | 2001/02, 2011/12 | |||
| KNVB-baeker | 1x | 2013/14 | |||
| Johan Cruijffsjaol | 1x | 2014 | |||
Vinger[bewirk | brón bewèrke]
Boer verlaor es kindj eine vinger wie d'r 'ne bal van 't daak van ein sjool wól haole. Hae blieëf toen mit ziene vinger aan de sjpiele die aan 't daak bevestig waore hange. Boer is daomit de einige keeper in 't Nederlands betaald voetbal mit neuge vingesj.
Trivia[bewirk | brón bewèrke]
Boer haef neit allein in de goal gesjtange biej PEC Zwolle, mer haet ouch twieëmaol es sjpits gedeend:
- Op 23 mei 2008 waerde hae in de oefenwèdsjtried taege VV Zuidwolde in de rös es keeper gewèsseld, óm 10 menuut veur tied weer es sjpits te waere ingebrach.
- Op 14 mei 2013 waerde d'r 'n hauf oer veur tied es sjpits ingebrach in 'nen oefenwèdsjtried taege VV Zeewolde, en scoorde hiejbiej 2 goals.
- Op 21 september 2010 sjaot Boer de beslissende penalty raak in 'ne wèdsjtried óm de KNVB-baeker taege Willem II.