Dialekcontinuüm

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


d'n Euvergank van 't Hoeagduutsj nao 't Nederlandjs vertuuentj dudelik 't karakter van e dialekcontinuüm.

E dialekcontinuüm is 'n vergaoring aan spraokvariëteite die op 'n min of mieër aafgepaoldje oppervlakdje waere gespraoke en slechs gering versjille t'n opzich van de variëteite rónjelóm vertuuene. Daodoor is veur alle spraekers de kómmunikaasje mit beweuners die kórtbie woeane rilletief gemekkelik; dewiel de kómmunikaasje tösse de luuj aan 't oetènj van 't continuüm (bao) ónmuuegelik is dore grótteren aafstandj en daomit de greujendje versjille tösse de twieë variëteite.

Óm politieke of anger raejene kónne spraekers van e deil van e dialekcontinuüm veur te kalle euvergaon op 't gebroek van 'n lingua franca euver lang aafstenj. Wen dees zich óntwikkeledj oete variëteite binne 't dialekcontinuüm en den 'n min of mieë vaste vorm krieg, sprèk me döks van 'n standerdspraok. Vervölges kan 't dialekcontinuüm door versjillige staotsgrenze gans oetereinvalle wen de spraekers häör oearsprunkelik dialek inrule veure standerdspraok.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Dialekcontinuüm&oldid=390219"