Dentaal
(Doorverweze van Dentaol)
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'nen Dentaal is inne fonetiek 'ne mitklinker dae wuuertj oetgespraoke mitte tóng taenge de baovetenj. 't Puntj vanne tóng womit me kóntak maak taenge de baovetenj kan d'n tóngspits zeen, apicaal, of 't tóngblaad, laminaal. Dentaal mitklinkers óngersjeie zich vanne denti-alveolair mitklinkers, wobie me mit 't tóngblaad kóntak maak taenge d'n tandjwal enne tóngspits achtere baovetenj zètj.
Dentaal oetspraoke zeen in 't Limbörgs betrèkkelik zeldjzaam, al kómme ze waal veur.
Bekèndje dentaal mitklinkers oet 't Ingels zeen de [θ] enne [ð], wie inne wäörd thin en though.