De Valkeneer

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De Valkeneer (Nederlands: Valkenier) ies de naam van 'n attractiepark in Valkeberg in Zuud Limburg. De atracties zint veural veur toeriste en kinger bedoeld.

't Park ies begoes, in de jaore 60 van de 20e ièw, es roeiviever en natuurzjwumbad op 'n terrein in de beemde van de Geul in de buurtsjap Brokem. In de tièntal jaore daonao ies 't aantal attracties eder jaor toegenómme. Neve de roeiviever en 'ne oetgebreide kingersjpeeltuin (ouch sjpeciaal veur gehandicapte kinger toegankelik) bevinge ziech d'r noe o.m. 'n achbaan, 'n euverdèk circus-poepetheater, e reuzeraad, paerd, motorsj, waterfietse, boetsuitekes, 'ne cinema 2000, 'n euverdèk kaboutersjpeelland, e sjpoakhoes, 'n lachsjpegelpaleis en 'n waterglijbaan.
In 't hoagseizoen (zomer) veurt vanoet 't park 'n toertistetreineke, in de vörm van 'ne locomotief mèt aanhangwegelkes, door 't centrum van Valkeberg.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Valkeneer&oldid=411696"