De Huls
Dit artikel is gesjreve (of begós) in 't Zumpelvelds. Laes hie wie v'r mit de versjillende saorte Limburgs ómgaon.
De Huls (Nederlands: Huls) is ee gehucht in de gemeente Zumpelveld in Nederlands Limburg. D'r woeëne óngeveer 360 luuj (1 januari 2005). D'r naam zou kome van de plantsenaam höls. In 1454 sjreef me in die Heuls.
Bei De Huls heurt de buurtsjap Lauvenberg, noe Lovemich geneumt.
De Huls liek op inge berg boave 't durp Zumpelveld (216 m baove A.P.). Me zaet durum "óp gen Huls" went me "in De Huls" bedoelt. Vanoes Zumpelveld lofe tzwei waeg mit ee maximaal hellingspercentaasje vaan 11% umhoeëg noa De Huls. Teëge de westelijke helling is ing nuuj woonwijk gebouwd, 't Hulserveld.
De bebouwing besjteet oes inge weg mit git ziesjträösse. In 1955 is de kirch Sint Jozef-Arbeider gebouwd. De baksjtinge zaalkirch is ing hulpkirch van de parochie Zumpelveld. D'r is enge wasserputs aan de Kapelsjtraos; dat is d'r hoeëgs geleëge puts va Nederland. Ten noorde van De Huls liekt ee boerderijcomplex, Kevemich, op de plaatsj woa vreuger ee kastieël woar.
Op inge akker bei de Huls is ing collectie vuursjtinge gereedsjap gevonge (biele, pielpunte en maalsjting), die waarsjienlik oes de Michelsbergcultuur (4600-3400 v. Chr.) sjtamme.
De Huls liekt aan de Mergellandroute.
Vereniginge
[bewirk | brón bewèrke]- Fanfaar Eendracht
- Karnavalsverein De Bergböck
- Kirchekoer Sint Jozef Arbeider
| |
|---|---|
| Dörper: Bóches · Bóchezerhei · Busjehoêze · De Huls · Zumpelveld | |
| Buurtsjappe en gehuchte: Baaks-Sweijer (Baaks, Sweijer) · De Boanhei · D'r Bróch · D'r Bulkemsbróch · Hulsveld · In de Gaas · Kerkeveld · Lauvenberg · D'r Molsberg · Um d'r Paum · D'r Prikket · D'r Roëputs · De Vlengeder · Waalbróch · D'r Zamberig | |