Dammerig
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Voelendesj, es te dit dialek sjpriks.
Dammerig (Nederlands: Dammerscheid of Dammerscheit) ies 'n veurmalig kesjtièl mèt haof, dat gelege waor in 't Land van Euvermaas in 't gehuch Breen.
Op 'n landkaart oet 1653, ein oet 1680 en ein oet 1739 sjteit 't good es Dammerchit vermeld.
Breen zou 't hudige gehuch 't Breer of Barrier kènne zin. 't Kesjtièl, ónder de boere Dammerig geneump, ies miede 18e ièw vervalle.
't Awd kesjtièl moet tösje de Laurentiuskerk en de haof Lindenhof gelege höbbe in Voelender. 't Enigste wat nog te zeen ies zint reste van sjlotgrachte en gedempde vieversj. De familie van Dammerscheidt waor eigenaer van 't good. Hauverwaegs de 17e ièw trouwt Maria van Dammerscheidt met Jr. Jan Willem van Elmpt woadoor 't hoes Dammerscheidt euvergeit nao de familie van Elmpt. In de kèrk van Voelender ies nog 'ne graafsjtein te zeen mèt de blazoene van dees families.
Eind 19e ièw weurt Jan Cornelis van Panhuys van Haeren eigenaer, dae 't hoes lièt aafbreke. Hae gebruuk 't euvergebleve materiaal um 'n deftig hièrehoes te laote boewe: 't Freuleshoes geneump.
Brónne
[bewirk | brón bewèrke]- (Aardrijkskundig Woordenboek der Nederlanden door A.J. van der Aa derde deel 1841)
- Website Rijckheyt