Cor Lambregts

Van Wikipedia

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


Cornelis Johannes Maria (Cor) Lambregts (Remunj, 22 april 1958) is 'ne veurmalige Nederlandse langeaafsjtandsluiper. Hae is drievoudig Nederlands kampioen.

Biografie[bewirk | brón bewèrke]

In 1978 sjtarde Lambregts mèt hardloupe. Daorveur waas hae actief gewaes in de wielersjport, wo-in hae zich hèj óntwikkeld tot eine regionaal bekènde fitserenner. De wielertraining vergde aevel erg völ trainingstied, vandao dat de Remunjenaer besjloot óm te keze veur ein minder tiedroavende tak van sjport. "Loupe sjlók minder trainingstied op. Per daag train ich noe zoa 'n 1,5 oer, terwiel 't fitserenne 3 à 4 oer kos en mèt mien sjtudie koosj ich dat neet meë combinere", aldus de toenmalige hts-sjtudent in 1980.[1]

In 1981 wón Cor Lambregts verrasjend de internasjenale Rude Pravo loup in Praag. Tiedes de CPC loup in Den Haag leep hae in 1983 eine tied van 1:00.40, vanaaf toen 't officieuze Nederlandse record op de hauve marathon. Datzelfde jaor debuteerde hae in de Rotterdam Marathon mèt eine tied van 2:12.40.
In 1984 vertaengewoordigde hae, same mèt Gerard Nijboer en Cor Vriend, Nederland op de Olympische Sjpele van Los Angeles op de marathon. Gerard en hae moosjte aevel veur de finish oetsjtappe. Cor Vriend woort 39e in 2:21.08. In datzelfde jaor leep hae 2:14.46 op de Chicago Marathon. Ouch deeg hae in 1986 mit aan 't Europees kampioensjap atletiek in Stuttgart op de 10.000 m.

In 1985 woort Lambregts derde op de Rotterdam Marathon in ein perseuënlik record van 2:11.02 achter de Portugees Carlos Lopes (2:07.12) en de Brit John Graham (2:09.58).

In zien naodage kaom hae oet in de duathlonsjport, wo hae in 1993 nog zösde woort op 't EK in Koningslutter (D) en zevende op 't WK in Dallas (USA).

Allewiel is Cor Lambregts actief es hobbylouper. Van beroep is hae projectóntwikkelaer.

Nederlandse kampioensjappe[bewirk | brón bewèrke]

óngerdeil jaor
10.000 m 1981
25 km 1987
veldloupe (lange aafsjtand) 1983

Perseuënlike records[bewirk | brón bewèrke]

Baan

Óngerdeil Prestatie Datum Plaatsj
1000 m 2.28,0 s 1980 Hechtel
1500 m 3.42,49 s 31 mei 1982 Rehlingen
3000 m 7.51,79 s 6 juni 1981 Hengelo
5000 m 13.32,94 s 25 augustus 1982 Koblenz
10.000 m 27.57,53 s 30 mei 1986 Aoke

Waeg

Óngerdeil Prestatie Datum Plaatsj
10 km 28.33 5 juni 1988 Den Haag
15 km 44.32 18 november 1990 Peries
10 Èngelsje miel 46.29 10 oktoaber 1987 Amsterdam
20 km 57.40 12 mieërt 1983 Alphen aan den Rijn
hauve marathon 1:00.40 19 mieërt 1983 Den Haag
25 km 1:15.01 25 juli 1987 Winschoten
marathon 2:11.02 20 april 1985 Rotterdam
1 oer 19.803 m 1980 Roosendaal

Brónvermelding[bewirk | brón bewèrke]

  • Lemmens, N. (1981) Cor Lambregts, de Limburgse flierefluiter Atletiekwereld nr. 19: KNAU
  • Hendriks, H. (1983) Stad Rotterdam Marathon: Super en groots Atletiekwereld nr. 7: KNAU
  • Werkgroep Atletiek (1994) Atletiekstatistiek Aller Tijden KNAU
  • Bijkerk, T. (2004) Olympisch Oranje De Vrieseborch ISBN 90-6076-522-2
  • Mooij, C. en Knippen, M (2006) Egmond na 738 kilometer, uitgegeven door Cor Mooij i.o.v. Le Champion ISBN 90-811264-1-5
  • Werkgroep Statistiek KNAU (2007) Statistisch jaarboek 2006 KNAU
  • Smissen, A. van der (2007) Cor Lambregts werd toevallig een hardloper De Hardloper nr. 5: Running Media
  • Lies mèt Nederlandse baanrecords
  • Wikipedia NL, Cor Lambregts

Referentie[bewirk | brón bewèrke]

  1. Uit Cor Lambregts: 'n loper met mogelijkheden door Carel van Nisselroij (1980), gepubliceerd in Atletiekwereld nr. 1: KNAU

Externe links[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Cor_Lambregts&oldid=455784"