Computervirus

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


E computervirus (in 't daacheliks spraokgebroek wuuertj meistes kórtewaeg "virus" gezag) is 'n vorm van sjajelike sofware (malware). 't Is e computerpergram det zich in e bestandj kan nestele, beveurbeildj in bestenj van e besturingssysteem. Computervirusse waeren es sjajelik gezeen ómdet die sjiefruumdje en computertied in beslaag numme vanne besmètte computers. In zwaor gevalle kónne virusse binneninne computer sjaaj aanrichte, wie 't ewegsjaffen of verspreie van geveulige gegaeves. In hieël zwaor gevalle kan de gebroeker zelfs de totaal kóntraol euvere computer verlere.

Väöl versjillige computervirusse zeen bekèndj, meh slechs e klei deil daovan kump "in 't wildj" veur. De WildList Organization International hèltj 'n maondjelikse lies bie mitte virusse die in 't wildj zeen aangetróffe. Maondjeliks waeren inkel doezjendje versjillige virussen in 't wildj aangetróffe. Väöl bestäöndje virusse zeen neet virulent zat veur zich zelfstenjig te verspreie.

't Innen ómloup bringe van e computervirus is e misdrief, zowaal in 't Nederlandjs Wètbook van Straofrech es in 't Belsj Straofwètbook.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Computervirus&oldid=358758"