Cognitieweitesjap
- Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.
Cognisieweitesjap ies 'n weitesjap die ónderzeuk welke processe ziech aafsjpele in de hersjene. Dees weitesjap ies 'n interdisciplinair weitesjap: methodes en theorieë oet onder andere de psychologie, kunsmatige intelligentie, filosofie, neuroweitesjappe, wiskunde, taalweitesjap en psycholinguïstiek were gebruuk.
Uverzich
[bewirk | brón bewèrke]Cognisieweitesjap haet 'ne kiek op de wèld zoeë-es väöl anger weitesjappe; 't haet 'n objectief, observateur-onaafhankelike besjtaoën. Cognisieweitesjap is compatibel en interdependent mèt de fysieke weitesjappe, en mak vaak gebroek van de weitesjappelike methode, simulaties en modelle, woeë bie de output vaak vergelieke weurt mèt aspekte van 't minsjelik gedrag. Toch is t'r vaak oneinigheid euver de exacte relatie tösje cognisieweitesjap en anger gebede.
Cognisieweitesjap haet 'n aantal dinger bereik, zoeë-es modelle veur de minsjelike cognitieve bias en risicowaarnumming, en 't haet väöl invlood op behavioral finance, deil van de economische sjtudies. Dankzie häör is d'r ouch 'n gans nuuj theorie van de filosofie van de wiskunde en väöl theorieë van kunsmatige intelligentie. Ouch binne de taalfilosofie, de epistemologie en de moderne taalweitesjap is ze neet mieë weg te dinke.