Kónsmaesige intelligentie
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Kónsmaesige intelligentie (AI, van artificieel intelligentie) is de intelligentie die e mesjien of software vertuuentj. 't Is 'n academisch studieveldj det verzeuk óm miensjelike intelligentie kónsmaesig te sjape. AI-óngerzeukers en -handjbeuk diffeniëren 't es "de studie en 't óntwirpe van intelligente agente", wobie 'nen intelligenten agent steit veur e stèlsel det zien ómgaeving waornump en acties óngernump die zien kansen op succes vergruuete. John McCarthy, dae de term in 1955 haet bedach, diffenieertj 't es "de weitesjap van 't sjape van intelligente mesjiender".
AI-óngerzeuk is uters technisch en gespecialiseerdj en is verdeildj in versjillige subdisciplines, die döks neet väöl raakvlakken höbbe. In sómmige vel kan de verdeildjheid aan sociaal en cultureel factore waere toegesjreve, wie wirk det bie 'n bepaoldje instèlling of door individueel óngerzeukers wuuertj gedaon. AI-óngerzeuk krieg ouch te make mit versjillige technische vraogstökker. Versjillige subdisciplines ligke de naodrök op 't oplosse van specefieke perblieëme. Anger ligke die op 'n mónjeling benaodering of 't gebroek van bepaoldje hölpmiddele, of 't vervölle van specefieke toepassinge.