Cerium

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Cerium.

Cerium is e sjemisch element mit es symboeal Ce en 't atoeamnómmer 58. 't Is e zilverwit lanthanied.

Toepassinge[bewirk | brón bewèrke]

Inne industrie wuuertj cerium veural gebroek bie 't make van legeringe mit alleminium en zirkonium. Anger toepassinge zeen:

  • Es doteringselement in witte leds (opgeboedj oet e blaw led mit YAG:Ce ('ne mit cerium gedoteerdje yttrium-alleminiumgranaat, Y3Al5O12:Ce, es fosforescent veur gael leech);
  • Permanente magnete;
  • Es katalysator in zelfzuvermakendje aoves, in driewaegkatalysatore veur verbranjingsmotore en bie organische synthese (cerium(III)- en cerium(IV)-verbinje);
  • Versjillige ceriumverbinje waeren inne glaasindustrie gebroek veur glaas zowaal te kluueren es te óntkluuere;
  • Cerium(IV)sulfaat wuuertj gebroek es titrant. 't Is 'n duur stof, mer 't haet es veurdeil det de standerdreductiepotentiaal kan waeren aangepas;
  • Cerium(IV)oxied kan bieje perduksje van glaas waere gebroek veur ultraviolet leech baeter te absorbere;
  • Inne petrosjemische industrie wuuertj cerium(IV)oxied gebroek bie 't krake van aerdaolje;
  • Cerium(III)oxied wuuertj in keramische vorm same mit tin(II)oxied (SnO) gebroek veur beleechting mit UV-leech;
  • De cerium(IV)oxied-cerium(III)oxiedcyclus of CeO2/Ce2O3-cyclus is 'ne twieëstegecyclus veur op thermosjemische meneer water te splitsje veur waterstofperduksje.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Cerium&oldid=368383"