Caspar Franssen
Dit artikel is gesjreve (of begós) in 't Tegels. Laes hie wie v'r mit de versjillende saorte Limburgs ómgaon.
Caspar Franssen (Tegele, 6 juni 1860 - Remunj, 2 jannewarie 1932) waar 'ne Nederlandse architect dae veural bekend waas van ziën kèrke, waovan hae d'r mieër es 50 ontwierp.
Franssen waar 'ne lieërling van Pierre Cuypers oet Remunj, veur wae hae van 1883 tot 1888 wèrkde. In det lètste jaor begós hae veur zien eiges in Tegele. Veer jaor later, in 1892, verzat hae zien kentoeër nao Remunj. Zien ieërste kèrke ware in neogotische-sjtiel, maar vanaaf 1897 bouwde hae ouch in Neoromaanse sjtiel. Hae bouwde veural kèrke, maar ouch sjoeële, kloeësters en anger gebouwe. Naodet hae in 1932 waas gestorve woort zien kentoeër door ziene zoon Joseph Franssen veurtgezet.