Broadway (Manhattan)

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Broadway 1909

'Broadway' is èng van de groeëtste sjtraote in New York City.

Historie[bewirk | brón bewèrke]

In d'r tied van de örsjte Nederlandse kolonisatie van Manhattan waor Broadway e pad dat de lokaal Wappani indiane gebroekde öm van hön dörp nao de jachtvelder te goeë. David Pietersz. de Vries neumt es örsjte dèzze waeëg in zie dagbook van 1642 ("De Wickquasgeck weg waar de indianen dagelijks langs gingen").

Naodat Peter Minuit names de Republiek der Zeven Verenigde Nederlande 't laand van de indiane gól waoërt de sjtraot "Breede Weg" geneumd. In 1667, nao de Vraej van Breda, is d'r naam lètterlek vertaald in Broadway wie de sjtad in Britse heng kieëm. 'ne Aandere naam van Broadway waor Heerestraat.[1].

Broadway theatre[bewirk | brón bewèrke]

't Gedeelte van de sjtraot bie Times Square sjteet vool mèt theaters die óp groeéte sjaal gemaakde toneelsjtukke beejt, en dan mèt name musicals.

Dit gedeelte van Broadway, ooch wal bekaand es The Great White Way, is 'n beroemde trèkpleister vör miljoeëne toeriste oet de gaanse waelt. Mètdoeë in 'ne succesvolle Broadway-musical wert dör de zengers en acteurs gezieë es 't ultieme succes. De jaarlekse Tony-oetrieking gèft pries an de mèts succesvolle nuuj shows en revivals.

In 2004 sjtóng de örsjte Nederlandse musicalactrice óp Broadway óp de plaanke. Pia Douwes sjitterde es Velma Kelly in d'r musical Chicago.

Referentie[bewirk | brón bewèrke]

  1. Ellis, Edward Robb (1966). The Epic of New York City. Old Town Books, 26. 
Commons
Commons
In de categorie Broadway van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Broadway_(Manhattan)&oldid=429966"