Braziliane
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
De Braziliane (Portugees: Brasileiros) zeen de börgers van Breziel. 'ne Braziliaan kin ouch 'nen in 't boetelandj gebaore miens van 'ne Braziliaansen ajer zeen. Brazilië is 'n multicultureel samelaeving, waat inhilt det 't 't thoeslandj is veur luuj van väöl oetereinloupende etniciteite. 't Gevolg is det de meerderheid van de Braziliane häör nasjenaliteit neet gelieksjtèlt aan häör etniciteit.
In d'n tied nao de kolonisering van 't Braziliaans gróndjgebied door Portugal, in de zèsteenden eeuw, óntsjting de naam "Braziliaans" es 'n verwiezing nao de Portugese koupmen die 't hout van de Brazielboum verhanjelde, mer allang veur de ónaafhenkelikheid van Brazilië in 1822 waerde d'n term al gebroek veur luuj oet Breziel, zie 't veural de Portugeze in det landj.
Braziliane zeen veural e mingsel van de inheimse Indiaanse bevolking, Portugese koloniste, Afrikaanse sjlave en immigrante die tösse 1820 en 1970 nao 't landj verhoesde. De grótste immigrantegroepe zeen de Italiane, Portugeze, Duitsers, Spanjaarde, Japanners en Syriërs dan Libaneze. Ouch geuf 't e klein deil luuj mit Nederlandjse kómaaf, die aafsjtamme van de aaj koloniste.
Bekinde Braziliane
[bewirk | brón bewèrke]- Augusto Boal - toneelsjriever
- Chico Buarque - zenger
- Fernando Henrique Cardoso - president
- Paulo Coelho - sjriever
- Emerson Fittipaldi - formule 1-coureur
- Gilberto Gil - zenger
- Juscelino Kubitschek - president
- Sergio Mendes - zenger
- Milton Nascimento - zenger
- Ernesto Nazareth - kómpenis
- Oscar Niemeyer - arsjitek
- Pelé - voetballer
- Peter II van Brazilië - keizer
- Nelson Piquet - formule 1-coureur
- Glauber Rocha - filmregisseur
- Ronaldo - voetballer
- Ayrton Senna - formule 1-coureur
- Luís Inácio Lula da Silva - aktivis en president
- Hector Villa Lobos - kómpenis