Brasília

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Nationaol Congrès

Kathedraol vaan Brasília

Brasília (oetspraok in 't Braziliaans Portugees: [bɾaˈziljɐ]) is de hoofstad vaan Brazilië, zoewie vaan 't Federaol Distrik vaan dit land. Ze ligk in de savanne vaan 't Braziliaans Hoegland en is mèt oongeveer 2,8 mieljoen inwoeners de veerde stad vaan 't land, nao São Paulo, Rio de Janeiro en Salvador. Brasília woort in 1960 gestiech (nao 'ne bouwtied vaan veer jaor) op initiatief vaan Juscelino Kubitschek, daan president, mèt es doel de hoofstad vaan Rio de Janeiro nao 't midde vaan 't land te verplaotse. De stad woort oontworpe door Lúcio Costa (hooflijne) en Oscar Niemeyer (diverse groete gebouwe). Brasília (entans de oersprunkeleke stad) heet de vörm vaan e vleegmesjien, mèt de zier brei Monumentaol As in de lèngde, boe me diverse groete euverheidsgebouwe zoewie de kathedraol vint, en woenblök (quadras), bestaond oet flats, in de vleugele. Daoboete ligke nog diverse boetewieke en veurstei. Brasília steit sinds 1987 op de Werelderfgoodlies vaan d'n UNESCO.

  Dit artikel is e sjtumpke. De kans Wikipedia helpe door 't aan te völle