Boerekuuel

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Boerekuuel.

Boerekuuel (Brassica oleracea convar. acephala var. laciniata of Brassica oleracea var. sabellica) is e mekkelik blaadgewas det op alle gróndjsaorte kan waere verboedj en 'n typische wintjergruuendje is. d'r Is 'n herfs- en wintjerteelt. Boerekuuel is 'n vorm van kuuel.

In Vlaondere neump me dit sóms ouch królkuuel.

Bie boerekuuel kan me óngersjied maken in twieë saorte:

  • Struukboerekuuel: dees kuuel vörmp 'ne vrie lange stengel en wuuertj van begin september toet fibberwarie geougs veure verse consumptie. In mieërt gaon de plantje doorsjeten en ze kómme daonao in bleuj. Veure herfsteelt wuuertj begin mei toet begin juni gezejdj en van half juni toet half juli oetgeplantj. Veure wintjerteeltj wuuertj begin juni toet begin juli gezejdj en van half juli toet begin augustus oetgeplantj op 65×50 cm.
  • Dwergboerekuuel wuuertj veure industrie geteeldj en geougs van half september toet begin november, ómdet deze kuuel neet taenge vrere kan. Dwergboerekuuel moog geine lange stengel maken, ómdet de boerekuuel wuuertj aafgemejdj. Ouch mótte de blajer dón stelen en 'ne dónne middelnerf höbbe. Daoveur waere hie rasse gebroek die min of mieër 'n rozet vörme. Bie dwergboerekuuel is allein herfsteelt. t'r Plaatse wuuertj gezejdj van half juni toet ènj juli mit 'ne rieaafstandj van 25 cm.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Boerekuuel&oldid=364196"