Boeljóng
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
Boeljóng of vleisnaat is 'n bereijing die smaak, aroma's en voorstoffe guèf aan water door vleis, gruèndje, vès of anger aetesmiddele te laote trèkke. Boeljóng kan waere gebroek es gróndj of es bevöchtiging veur de bereijing van gerechte wie sóp, saus en ragout.
Feitelik is boeljóng 'n extrak. Door de bestandjsdeiler te laote trèkke, waere de smaak- en gäörstoffe opgeloos in 't water. Daodoor is boeljóng sterk-gäörig en riek aan smaak, al besteit 't euverdeil oet water. 't Bevatj weinig innerzjie en is aetlösopwèkkendj.