Boekhäörige
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De boekhäörige (Letien: Gastrotricha) vörmen 'ne stam van microscopisch klein óngewerveldje bieëster. De Letiense naam kump van 't Grieks γαστερ gaster "boek" en θριξ thrix "haor".
De meiste vanne róndje achhóngerdj besjreve saorte waere tösse de 50 en 3500 µm lank. Häör gans lief is bedèk mit trilhaor, veurnamelik rónjelómme móndj en ane ventrale kantj (oppe boek). Anen achterkantj van 't lief bevinje zich twieë extremiteite die dene veur zich aan sedimentj vas te haje. Eint van dees oetstaeksele sjèdj 'n saort aan netuurlike liem aaf en 't angert sjèdj 'n antistof aaf veur zich weer los te make. Dees bieëster plantje zich óngeslechtelik veurt.
Boekhäörige kómmen algemeint veur in alderhenj aan waterige ómgaevingen en laeve slechs drie daag. Ze veuje zich veurnamelik mit klein bacterieje en diatomeeje.