Boekares
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Boekares (Roemeens: Bucureşti) is de höidstad en 't industrieel en commercieel centrum van Roemenië. De stad lègk in 't zuudoeaste van 't landj, aan de reveer de Dâmboviţa. Mit ruum 2 miljoen inwoeaners is Boekares de groeatste stad van 't landj en óp Istanbul en Athene nao de groeatste stad van Zuudoeas-Europa.
Veur Europees begrippe is Boekares gein aaj stad: de ieëste vermèljing dateertj oet 1459. Sinsdeen óntwikkeldje Boekares zich rap en in 1862 waerdje 't de höidstad van 't vereinig Roemenië. Taengeweurdig is 't de heimplaats van de Roemeense media, cultuur en kóns. In de eclectische architectuur van de stad zeen historiserendje, modernistische, communistische en posmodern stiele vertaengeweurdig. Tösje de Waereldkriege waerdje Boekares 't "Klein Paries" (Micul Paris) of "Paries van 't Oeaste" genömp ómdet de stad in daen tied erg elegant waas. Sinsdeen is naevedet e groeat deil van 't historisch centrum verwoos of besjadig, ieës in de Twieëdje Waereldkrieg en later door de aerdbeiving van 1977 en door de politiek van systematisering ónger Nicolae Ceauşescu, woveur ganse stadsdeile móste wieke. Örges anges is d'r tamelik väöl van 't aaj centrum euvergebleve. Sins de jaore '90 kintj Boekares 'ne economische en culturele blöi.
Vólges de officieel vólkssjattinge van januari 2006 haet Boekares 'n bevólking van 1.930.390 inwoeaners. De metropool teltj mehleefs 2,6 miljoen inwoeaners. Boekares is de óp 5 nao groeatste stad van de Europese Unie.
Economisch gezeen, is Boekares de blöiendjste stad van Roemenië en is 't ein van de belangriekste industrieel centra en verkieërsknouppöntje van Oeas-Europa. Es óntwikkeldjste stad in Roemenië, haet Boekares ouch 'n groeat aantal educatieve faciliteite.
De stad zelf steit administratief bekindj es Municipiul Bucureşti (Gemeindje Boekares), en zitj óp 'tzelfdje administratief niveau es de Roemeense districte. De Gemeindje Boekares is óngerverdeildj in zès sectore.
Gebaore
[bewirk | brón bewèrke]Luuj die zeen gebaoren en getaogen in Boekares.
- Edward Maya - 'ne zenger