Bloodverguftiging

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


Esculaap4.svg     Num 't veurbehawd bie medische informatie in ach.
Gank bie gezóndjheidsklachte nao 'nen hoesdokter.
De oetwirkinge van 'n bloodverguftiging bie emes op de erm.

Bloodverguftiging (Letien: sepsis) is 'n infectie van 't blood veroarzaak door bacterieje. Bloodverguftiging is de reactie op de infectie. 't Kan waere veroarzaak door 'n operaasje, 'n (klein) verwónjing of 'n óngelök. De bacterieje oet de wóndj of wunj kómme terech in de bloodbaan en verspreie zich snel binne 'ne kórten tied. Daodoor kan 't aafwaersysteem neet miè tegooj wirke, wonao't väöl innerzjie mót opbringe veur weer te gaon fónksjenere. Veur al-verzwaakdje patiënte kan bloodverguftiging 'n doadsoarzaak vörme.

Kranke patiënte vertuène döks hoag koorts, kaoj rillinge, meugheid, 'ne snellen hertslaag en 'n snel aomhaoling, 'n lièg blooddrök en orgaandegeneratie.

Risicogruup zint kankerpatiënte die chemotherapie höbbe óngergange, biejaarde die e verminderdj aafwaer systeem höbbe, kinjer ónger de veer jaor en operaasjepatiënte.

De patiënt mót mit antibiotica waere behanjeldj veurdet ónherstèlbaar sjaaj kan óntstaon. Veur de organe te óntlaste kan me hölpmiddele wie neerdialys, beaoming en bloodtransfuuzje toepasse.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bloodverguftiging&oldid=394880"