Antibiotica

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Antibiotica is e begrip det betrèkking haet op stoffe van organischen oearsprónk die gekrenkdjeverwèkkers (mit naam bacteriejen in 't lief) bestrieje, dit naeve chemotherapeutica, stoffe die dore miens langs synthetische waeg zeen berèdj. E veurbild van die litste categorie zeen middele wie Salvarsan enne groep vanne sulfonmide (óntdèk rónjelóm 1935). Allewiel wuuertj dit óngersjied neet mieë strik gehandjhaag en sprèk me bie alle stoffe die aan luuj kónne waere toegedeendj veur bacterieel infeksjes te bestriejen euver antibiotica. Mitte term chemotherapeutica waeren allewiel specefieker anti-kenkermiddele gemèndj.

't Ieëste antibiotiek penicillien woort in 1928 óntdèk door Alexander Flemming es de wirkzaam stof van 'ne sjummel: Penicillium notatum. Allein in 1941 versjene de ieëste publikaasjes van toepassingen op luuj. Later koom dao 't streptomycien nag bie en alderhenj aan aafgelèdje middele.

De óntdèkking van antibiotica wie penicillien mèndje 'n doorbraak inne bestrieje van gekrenkdje kaenen en me sprook den ouch van e "wónjermiddel", det 'n groeate effectiviteit haw mit gering biewirkinge.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Antibiotica&oldid=409390"