Blauwmeis

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Blauwmeis
Cyanistes caeruleus

'n Blauwmeis (Nederlands: pimpelmees, weitesjappelik: Cyanistes caeruleus, ouwe naam: Parus caeruleus) ies 'n klein, ongevaer 10 cm groat, meisechtig veugelke mèt 'n bleu kepke of mötsjke, vleugelkes en sjtaart. Wiejer haet 't wiette wengskes mèt 'ne zjwarte ougsjtreep en 'ne zjwart-blauwe rink in de haus. Kael en kin zint blauwzjwart. Wiette nekvlek en bendsje achter 't kepke. De rök ies greun-griesblauwechtig, 't buukske geel. Jónge höbbe broenechtige kepkes en gael wengskes.
De meis ies 'ne acrobatische vogel. Hingk dèks aan tekskes of voorbölkes te bengele um ete te verzamele. 't Voor besjteit oet insecte, sjpinne, besse, zónnebloompitte en neutsjes. De blauwmeis kump veur in gebösjkes, parke en tuine.

Zank[bewirk | brontekst bewerken]

Tsie-tsie gevolg door 'ne lange fiene triller.

Veurtplanting[bewirk | brontekst bewerken]

Algemeine broed- en sjtandvogel. Maak zien nèske in holtes en loker van buim en in nèskeskes. 't Invleegleukske moet nog get kleiner zin es dat van de Biejemeis. 't Blauwmeiske breujt twiè kièr per jaor 13 eikes oet. Die klein beige eikes höbbe broen vlekke.

Orde: zangveugel Passeri
Familie: Meize, Paridae

Commons
Op de pazjena Parus caeruleus van Wikimedia Commons zeen media gerelateerd aan dit óngerwerp te vènje

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Blauwmeis&oldid=352027"