Blauw maon

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


'n Blauw maon is de naom veur 't versjijnsel tot 't twie kier 'n vol maon in eine maond gief. De twiede vol maon weurt daan de blauw maon geneump. D'n term is aofkomsteg oet 't Ingels (Blue moon), en weurt ouch gebruuk um get oongebrukeleks te duie ('once in a blue moon'). In Nederland kinne v'r daoveur de oetdrökking "op 'ne blauwe maondag".

Normaal gesproke gief 't eder maond 'ne kier vol maon. De maon heet evels 'ne umlouptied um de Eerd vaan oongeveer 29,53 daog. Dit heet tot gevolg tot aon 't ind vaan e jaor nog zoe'n 11 daog euver zien. Gemiddeld eder 2,7154 jaor kump 't daan veur tot 't twie kier in eine maond vol maon gief.[1] Soms gief 't evels ouch twie kier kort nao ein 'n blauw maon, es 't twie kier vol maon gief in jannewarie, gein vol maon in fibberwarie, en twie vol maone in miert. Dit versjijnsel deit ziech veur in 2018 en in 2037.[2]

In 2009 gaof 't 'n blauw maon op 31 december. Bezunder is tot de blauw maon op de lèsten daag vaan 't jaor veel. Daoneve evels gaof 't ouch nog 'n gedeilteleke maonsverduustering, die in groete deile vaan Europa, Afrika, Azië en Australië te zien waor.[3]

't Gief (of gaof) blauw maone in:

  • 2009: 2 december , 31 december (blauw maon op Aajdjaorsdaag)
  • 2012: 2 augustus, 31 augustus
  • 2015: 2 juli, 31 juli
  • 2018: 2 januari, 31 januari, allein in tiedzones westelek vaan UTC+11.
  • 2018: 2 miert, 31 miert, allein in tiedzones westelek vaan UTC+12.
  • 2020: 1 oktober, 31 oktober, allein in tiedzones westelek vaan UTC+10.

Referenties[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Blauw_maon&oldid=431989"